海牙公約

海牙公約，乜安到「海牙法規」（法語：Convention de La Haye），係一八九九年摎一九零七年兩擺个海牙和平會議（法語：Conférences de La Haye）所通過个公約摎聲明文件个總稱。

頭一擺海牙和平會議

（一八九九年五月十八日～七月二十九號）

一八九九年七月二十九日海牙公約

一 .《和平解決國際爭端公約》（一八九九年海牙第一公約）二 .《陸戰法規摎慣例公約》（一八九九年海牙第二公約）還有附件《陸戰法規摎慣例章程》三 .《有關一八六四年八月二十二日內瓦公約个原則適用於海戰个公約》（一八九九年海牙第三公約）

一八九九年七月二十九海牙宣言

一 .《禁止對雞胲仔項抑係用其他新个方法擲擲射物摎爆炸物宣言》（一八九九年海牙第一宣言）二 .《禁止使用專用在散布無法度敨氣或者有毒氣體个投射物个宣言》（一八九九年海牙第二宣言）三 .《禁止使用在人體裡背容易在膨脹或者變形个投射物，像殼硬殼吂有全部包等彈心或者殼頂高刻有裂紋个子彈个宣言》（一八九九年海牙第三宣言）

第二擺海牙和平會議

（一百九十七年六月十五～十月十八）

一九零七年十月十八海牙公約

一 .《和平解決國際爭端公約》（一九零七年海牙第一公約）二 .《限制度使用武力討償契約債務公約》（一九零七年海牙第二公約）三 .《有關戰爭開始个公約》（一九零七年海牙第三公約）四 .《陸戰法規摎慣例公約》（一九零七年海牙第四公約）還有附件《陸戰法規摎慣例章程》五 .《中立國摎人民在陸戰當中个權利摎義務公約》（一九零七年海牙第五公約）六 .《有關戰爭起勢該下敵國商船地位公約》（一九零七年海牙第六公約）七 .《有關商船改裝為軍艦公約》（一九零七年海牙第七公約）八 .《有關於敷設自動觸發水雷公約》（一九零七年海牙第八公約）九 .《有關戰時海軍个轟擊公約》（一九零七年海牙第九公約）十 .《有關一九零六年七月初六內瓦公約原則適用於海戰个公約》（海牙第十公約）十一 .《有關海戰中限制行使捉獲權公約》（一九零七年海牙第十一公約）十二 .《有關建立國際捕獲法院公約》（一九零七年海牙第十二公約，無生效）十三 .《有關中立國在海戰當中个權利摎義務公約》（一千九百空七年海牙第十三公約）十四 .《禁止對雞胲仔項擲擲射物摎爆炸物宣言》（一九零七年海牙第十四公約）

主要內容

厥个內容做得分為：

一 .和平解決國際爭端類：包含一八九九年海牙第一公約、一九零七年海牙第一摎第二公約。根據這幾項公約，逐條締約國承擔了「和平解決國際爭端」摎「盡量避免訴諸武力」个一般性義務，確定以調解、調停、國際調查委員會摎國際仲裁這兜方式達到這一目標，這對限制傳統國際法上个「訴諸戰爭權」做出了重要个貢獻。二 .戰爭開始摎中立國權利同義務類：包括一九零七年海牙第三、第五、第六摎第十三公約。第三公約在歷史上頭一擺正式確立了宣戰制度，規定毋宣布戰係非法个；第六公約規定咧戰爭開始个時節對敵國商船个保護制度；第五摎第十三公約詳細、具體个編寫咧中立國還過其他人民在陸戰摎海戰當中个權利摎義務个法規摎慣例。三 .戰爭法規類：頭下講著兩類以外个條約都係這類。這類條約係海牙公約个主體部分，對陸戰、海戰、空戰等無共樣方面限制咧作戰手段摎方法，並進一步明確摎完善了戰鬥員、戰俘摎傷病員个待遇。其中最重要个係一九零七年海牙第四公約摎佢附件。該公約包含了戰爭法規个基本原則摎具體規範，厥个內容乃至措詞摎一八九九年海牙第二公約摎附件做得講係完全共樣个，本擬訂頭擺者取代後者，毋過因為一八九年海牙公約个一兜締約國無簽署摎批准一九零七年海牙公約，故所兩者並存。兩項公約个序文都載明一項重要條款：在本公約裡背無包括个情況下，平民摎戰鬥員還係受該兜「來源於文明國家間制定个慣例、人道主義法規摎公眾良知个要求」个國際法原則个保護摎管轄。這就係有名个「馬爾頓條款」，佢對戰爭法規个效力具有重要个意義。後來盡多戰爭个法條約都重申了這一內容。

參考文獻