六千六百二十五型魚雷艇

六千六百二十五型魚雷艇（北約代號：湖川）係中國人民解放軍海軍裝備个鋁質水翼魚雷快艇；一九六三年服役過後進行了幾下擺修改，有六千六百二十五、二十六、R 七百空四等型號，識出口阿爾巴尼亞、巴基斯坦、羅馬尼亞摎坦尚尼亞這兜國家，這下退役。

歷史

六千六百二十五型鋁質單水翼魚雷快艇係根據原蘇聯轉分个水翼快艇 - 一百八十四型个魚雷艇（北約稱 P 八型 ) 个設計同圖紙愛起个魚雷艇。一九六二年滬東造船廠開制，毋過因為缺乏著大功率个柴油機，淨愛修改設計先做滑行艇，後造水翼艇。一九六三年做滑行船，一九六四年做水翼艇。

一九六六年二月仔，牽湖造船廠頭一船正式个投料開工，一九六七年三月落水，一九六八年九月十九，交付。後續艇轉做海滬東造船廠繼續生產。這種收放式水翼艇保持吔蘇聯原型艇速度當遽，隱僻性好，可鐵路運輸个優點，又解決咧固定式水翼使用毋方便个問題。

七十年代後求新造船廠又將艇體改為鋼質結構，也生產出滑行摎水翼兩種型號，代號二十六型。七十年代中期過後，這種分外界安到湖川級个魚雷快艇開始量產，前後總共建造了兩百二十零條，其中出口了大約五十條。