俄羅斯帝國基本法

《俄羅斯帝國基本法》（俄羅斯語：Основные государственные законы Российской империи）在一九零六年四月二十三（儒略曆四月初十）俄羅斯帝國杜馬開始運作个前一日，由俄羅斯帝國政府頒布。基本法等於憲法，定義了政府架構，確立全俄羅斯皇帝為絕對个領袖，皇帝完整控制行政、外交政策、教會事務以摎軍事武力，限定了帝國杜馬个政治位階。立法機構分為兩院，上議院係帝國議會，下議院係帝國杜馬。

帝國杜馬議員由選舉產生，帝國議會一半由皇帝任命，另外一片乜由東正教會這兜組織選出來。法律制定必須經由國家杜馬摎大臣會議審查通過，毋過最尾一定愛由皇帝核准正做得生效。若係國家杜馬在休會期間，允許立法程序做得由大臣會議轉分皇帝核准，無需要國家杜馬開議。