五十六A型導彈護衛艦

五十六 A 型飛彈護衛艦，為中華人民共和國自家研製設計生產个輕型護衛艦，係五十六型飛彈護衛艦个一種改進型，增強了反潛能力，首艦在二零一四年十二月入列中國人民解放軍海軍。

建造背景

跈等米國重新轉到亞太摎介入南海政策个執行，加上周邊各國呢不斷強化武裝个趨勢，中國當需要一種造價低廉還過數量當大个反潛艦來抵銷對方潛艦活動个影響，五十六艦體非常適合該種需求，做得用來打造一隻巨量个近海反潛艦隊網。

性能

二零一三年十一月二十在上海某造船廠內又有一隻五十六成功下水，這隻奸號五百九十三个護衛艦分人認為係第一隻改進型五十六。摎往擺仔五十六無共樣仔係，厥艦尾出現了一個當大个設備投放艙門。坊間普遍認為，這就係拖曳式聲納个投放口，這證明該艦係反潛型个五十六。分人認為用來在中國近海「看家護院」个大批五十六，有咧拖曳聲哨恁樣个高端反潛設備、強化反潛能力過後，無問題會對補上反潛這中國海軍當大个短板有幫助，有效保護中國个海上生命線。

五十六 A 型个艦尾艙門部有一個當大个矩形開口，五百九十三艦个艦尾中部還有一個較細个圓空，在驅護艦頂項，這一般係拖曳式線列陣聲个收放空。傳統个反潛手段係反潛飛機、水面艦艇還有潛艇三種平台。最好个反潛效果，需要三個平台聯合作戰，這下係體系作戰个時代，五十六係歸隻仔中國海軍反潛網當中个一個節點，歸隻體系通過戰術數據鏈，實現了聯網。在恁樣形个作戰模式下，係講五十六通過自家个拖曳聲，發現吔可疑潛艇，就算自家無力確定位還過攻擊潛艇，信息當遽會分人共享，指揮中心會指揮附近仔个反潛飛機、艦艇這兜對目標來進行跈等、打擊。

外銷

• 孟加拉：二零一九年交付二條五六 A。

參看

• 中國人民解放軍海軍軍艦列表
• 獵豹級護衛艦
• 布倫瑞克級輕型護衛艦
• 西格瑪級輕型護衛艦
• 追風級護衛艦
• 網易 - 五十六摎五十六 A