一八八零年呂宋地動係一八八零年七月十四到二十五在菲律賓呂宋島發生个地動，特別係三擺盡大个搖搖造成教堂這兜建築受著破壞，摎人員傷亡。同時呂宋島西南方个塔爾火山也更加活躍。
主動發生在七月十八。馬尼拉、布拉坎省、拉古納省、新怡詩夏省這兜係主要个震災區，馬尼拉同拉古納省个災情最嚴重。
七月十九，因為呂宋地動引起个海嘯侵襲臺灣北部，在淡水造成幾面牆同幾下間屋仔橫忒，還有少數人員傷亡，災情無異嚴重。
