一八九六年夏季奧林匹克運動會泅水比賽

一八九六年夏季奧林匹克運動會泅水比賽係第一屆奧林匹克運動會个泅水比賽。該當時無起專門个游泳池，比賽在希臘皮萊烏斯附近仔个齊亞灣（英語：Bay of Zea）紀錄有經緯度个海域進行。在海項放等天頂高个番瓜，之間用長索仔著做一條線，用來做隔開泅水道个標誌物，該央時泅水个姿勢項無要求，任在個人發揮，比賽出發个方式乜當生趣，先用細船仔摎運動員載到海肚去做个平臺，運動員再由平臺出發。比賽个距離無經過詳細準確个測量，毋過大體估算欸一下。當時只有一百米自由式、五百米自由式摎一千兩百米自由式三隻項目。

比賽个場地十分个惡劣，加上水溫一下降加上狂風摎海浪，大部分臨到比賽退出，五百米比賽有二十九儕人報名，這參加比賽个淨三個人；報名參加一千兩百米賽个有九儕，到終點个時節發現只有五儕人。

當時有一條希臘戰艦停在齊亞海灣附近，大會臨時決定設立一項「一百米皇家海軍水手賽」，淨做得分船仔項个水兵參加。一開始有十一儕人報名，盡尾只有三儕人參加，可見比賽環境有幾惡劣，連訓練有素个兵仔都忍毋得。