一八九六年夏季奧林匹克運動會希臘代表團

一八九六年夏季奧林匹克運動會希臘代表團總共派出吔一百六十九個運動員（毋過實際上有一百七十六儕人來參加）參加全部九隻大項个賽事。希臘在一八九六年熱天奧林匹克運動會成為得著最多獎牌个國家，取得十面个金牌、十七面个銀牌摎十九面个銅牌合共四十六面个獎牌，比取得二十六面獎牌个米國異多。毋過希臘个金牌數目單淨比米國少一面金牌，故所獎牌榜單淨列做第二名。希臘在這屆奧運會總共有一百七十二儕運動員參加三十九隻項目，淨四隻項目無希臘人參加，包括著有田徑項目个四百米、跳高摎體操項目个團體單槓摎跳馬。

選手概況還有成績

田徑

希臘代表團除忒四百米還有跳高項目以外故所田徑項目都有參加，還過拿著一金兩銀六銅恁好个成績。本旦希臘在馬拉松个項目包辦金銀銅三面獎牌，原定季軍个希臘運動員斯比瑞頓 ・ 柏勒克斯（Spiridon Belokas）比賽過後分人發現在比賽裡背坐車仔，最尾分人取消資格還過由匈牙利運動員克爾納 ・ 久洛取代。

自行車

希臘代表團在這屆奧運會參加所有个自行車項目，還過拿著一金三銀成績。

劍擊

希臘代表團在劍擊項目拿著兩金一銀一銅成績。

體操

參與團體操作項目个兩支希臘隊伍只有部分成員有記載人名，毋過大部分運動員都毋知人名。另外希臘除忒跳馬摎團體單槓（只有德國一个國家參與）之外，其他項目都有運動員參與，還過拿著兩金兩銀兩銅成績。

射擊

希臘代表團係唯一一個代表團參加所有射擊項目个國家，乜在所有射擊項目拿著獎牌，總數拿著三金三銀三銅成績。

參考資料

• Lampros , S . P . ; Polites , N .G . ; De Coubertin , Pierre ; Philemon , P . J . ; & Anninos , C . The Olympic Games : BC 七百七十六–AD 一百八十九六 . Athens : Charles Beck . 一千八百九十七 .   ( Digitally available at [一] )
• Mallon , Bill ; & Widlund , Ture . The 一千八百九十六 Olympic Games . Results for All Competitors in All Events , with Commentary . Jefferson : McFarland . 一千九百九十八 . ISBN 零角七千八百六十四欠三百七十九冤九 .   ( Excerpt available at [二] )
• Smith , MichaelLlewellyn . Olympics in Athens 一千八百九十六 . The Invention of the Modern Olympic Games . London : Profile Books . 二千空四 . ISBN 一千八百九十七間兩百四十二 -X .