一八九八年威爾明頓大屠殺
這是此頁批准，以及是最近的修訂。
一八九八年威爾明頓大屠殺這係講在該年十一月初十，一場因為白人優越主義在威爾明頓發起个大規模暴動摎叛亂。威爾明頓个白人媒體一般將佢描述為一擺因為烏人引起个種族暴亂（race riot )。二十世紀末以來个研究認為這件事件係一場政變，因為這件事情當中係由一群白人到上主義者通過暴力推翻了正式選舉產生个政府。
政變由這個州个白人民主黨人密謀並領導，最終目標係推翻威爾明頓合法選舉產生个種族融合政府。佢兜將反對派烏人摎白人政治領導人逐出外市，摧毀了在南北戰爭重建以來烏人公民个財產摎企業，包含該市唯一个烏人主導个報紙，並殺害了約六十到三百零儕。故所這件事情分人認為係美國歷史項唯一个這類事件（政變）， 因為其他在美國重建時期个衝突並無導致民選政府分非政府人員所替代。