一九零四年夏季奧林匹克運動會水球比賽

一九零四年夏季奧林匹克運動會个水球比賽由一九零四年九月初五到九月初七進行，為期三日；單淨設置細倈仔个項目，決出金、銀、銅牌各一面。

這屆賽事原來有美國摎德國報名參加；毋過，因為這屆奧運會進行个「水球比賽」摎歐洲發展个水球運動完全無共樣，甚至連基本規則也無共樣（係講有得分無需要射球仔入網，淨需要在球門拿著球便好得分），德國隊最後決定在賽前棄權退出，只伸下三隻美國个隊伍參加比賽。