一九六零年南越政變

一九六零年南越政變（越南語：Đảo chính Việt Nam Cộng hòa 一千九百六十）發生在一九六零年十一月十一日，這場政變由陸軍中校王文東摎空降師上校阮正詩領導，企圖推翻南越總統吳廷琰，最終失敗。

叛軍發起政變對抗吳廷琰政權，用這來做對佢獨裁統治摎胞弟吳廷琮、夫人陳麗春做無法度做干政个回應。另外，佢兜還不滿軍隊裡背政治派系形成个利益勾結。部份軍官憑等對政權个順服，像係身為吳廷琰家族秘密策劃个勤勞黨成員，做得比當多正經有能力毋過非圈內个軍官提前來晉升。王文東个預謀行動已經得著義弟阮朝鴻中校个支持，阮朝鴻中校个阿叔係一位細型反對黨个重要官員。摎佢重要關聯个係王文東个上級長官阮正詩，佢接受講服後加入密謀。

政變

十一號打早阮正詩摎王文東在西貢發動政變，遮仔兵落在西貢面向獨立宮个主要大道上。叛軍利用空降部隊佔領參謀總部、警察總部、機場、郵政總局摎電臺，並在包圍總統府。一開始，有兜地方包圍起機關建築並無展開攻擊，佢兜相信吳廷琰會依循佢兜个訴求。 爾過後，叛軍成立五儕人革命委員會，由王文東中校擔任主席。王文東試圖請求美國大使埃爾布里奇 ・ 德布羅向吳廷琰來施壓。雖然德布羅從來緊批評吳廷琰，毋過為著維持南越政府穩固來支持琰政府，這位所採取个心態係：「 𫣆繼續扶持這隻政府，一直到佢橫忒為止。」德布羅後來回憶道，佢曾經接著一通來自吳廷琰助理个電話，強烈指示佢去電摎吳廷琰若係無投降，總統府就會分榴彈炮打著吔。毋過德布羅回拒絕要求總統府乜無分人轟炸，故所，佢知該位助理係分人逼打該一通電話。叛軍發布消息，佢兜个目的為建立一隻過較自由民主个體制，同時對抗共產主義並解散國民議會。叛軍宣稱總統已經同意辭忒職業，目前還在該等佢兜投降並分佢保護。

大部分个叛軍識得著佢兜這擺進攻係出自於搭救總統吳廷琰行避一場總統府衛兵聯合旅个叛亂。只有一、兩位官員一開始認清叛變个實際情形。高牆、柵仔、路障等開始圍繞起獨立宮周脣个地區。反叛遮兵離開運輸工具向等佢這兜个據點來行，準備攻擊主要大門。跈等一群人衝向前去，伸下來个人用自動步槍向宮前掃射，舂綿大部分个窗門還過在壁項留下來彈空。吳廷琰在銃林彈雨當中差一息仔分佢㓾忒。一架叛軍个機關銃打入吳廷琰个睡房，子彈對附近个司法宮透過臥房窗門射入吳廷琰个眠床，毋過吳廷琰本人已經分帶離，免於其難。

十二號吳廷琰調動郊區个裝甲部隊摎步兵入到西貢，叛軍無抵抗就投降。官方表示這擺叛亂活動傷亡三百儕，其中四十五位遮兵分人㓾死。十五儕叛軍个首腦，包括阮正詩上校摎王文東中校坐機逃亡柬埔寨。