一九六五年世界大賽

一九六五年世界大賽係由代表美聯个明尼蘇達兩隻城摎代表國聯个洛杉磯道奇在世界大賽當中對決。最後道奇以四勝三敗打敗雙城，得著了世界大賽个冠軍。山迪・柯法斯在第一場因為猶太教个贖罪日無出賽，又在第五場摎第七場 ( 中間單淨二日歇睏 ) 投出完封勝。盡尾拿著系列賽 MVP。

雙城隊在一九三三年過後總算再過進入著世界大賽，毋過盡尾還係無得著冠軍。道奇隊最尾拿著搬到洛杉磯過後个第三冠。

總結

國聯洛杉磯道奇（四）- 美聯明尼蘇達雙城（三）

明尼蘇達州，布魯明頓，大都會體育場雙城推出單季拿著二十一勝七敗个王牌 Mudcat Grant 先發，道奇隊个山迪・柯法斯因為猶太教个贖罪日無法度在第一場比賽先發，所以球隊派出唐・德萊斯戴爾擔任首戰先發。

本旦這場比賽按算係一場投手戰，毋過兩隊投手都在第二局分人一發陽春砲。三局下，Zoilo Versalles 還較係敲出三分砲將比分擴大。還過雙城攻勢並無結束，佢等又敲出四支安打追加三分，將德萊斯戴爾 K . O 下場。

雙城最背尾靠等這六分大局，加上 Grant 九局失二分送出五擺三振个好投拿下第一場比賽。

明尼蘇達州，布魯明頓，大都會體育場度過贖罪日个山迪・柯法斯在這日登板，對決雙城第二號王牌吉姆・卡特。

雙方在前五局都壓制對方打線，毋過雙城在六局下首先突破著柯法斯，Tony Oliva 摎哈蒙・基勒布魯个安打幫助雙城得著二分。兩隊後來在第七局都各拿一分，七局結束雙城三比一領先。

八局下二出局，道奇故意保送第八棒 Frank Quilici 形成滿壘，打算扭上場打擊个卡特。結果卡特打出安打反倒分雙城又再過得著二分。終場雙城便以五比一拿下來二連勝。

加利福尼亞州，洛杉磯，道奇體育場道奇隊前兩戰都推出王牌投手，毋過這場道奇隊先發小將 Claude Osteen表現相當个出色。佢完投完封九局，單淨分打出五支安打。

四局下，John Roseboro 在滿壘敲出安打送轉二分。六、七兩局又各逐加一分，終場道奇以四比零扳轉一城。

加利福尼亞州，洛杉磯，道奇體育場這場比賽雙方派出第一戰个先發陣容對決，道奇隊乜順利突破 Grant，前二局就取得二比零領先。雖然哈蒙・基勒布魯在四局頂項敲出陽春砲，毋過下半局 Wes Parker 也回敬一支。

六局上，Tony Oliva 敲出陽春砲。分比賽變做一分差。毋過道奇隊馬上下半局拿下三分，八局落又拿一分。最尾佢等七比二打敗雙城扳平系列賽。

唐・德萊斯戴爾在這場比賽忒投九局，送出高達十一擺个三振單淨失二分个輸贏。===第五戰：十月十一===

加利福尼亞州，洛杉磯，道奇體育場雙方共樣派出第二戰个先發陣容，而且又係換雙城投手个表現不穩。前四局道奇就得著五分，連投手山迪・柯法斯都有敲出帶有打點个安打。

柯法斯在這場比賽大殺四方，九局完封送出十到三振。最後道奇隊七比零大勝雙城，取得聽牌个優勢。

===第六戰：十月十三===明尼蘇達州，布魯明頓，大都會體育場雙城隊將贏球希望交付分王牌 Mudcat Grant，對決第三場演出完封驚奇个 Claude Osteen。

這擺 Claude Osteen 無發揮佢在第三場个壓制力，佢在四局下分 Bob Allison 敲出二分砲，六局下又分人敲出三分砲。還過敲出全壘打个人就係投手 Grant。

Grant 毋單淨開了轟，佢也不負眾望个繳出九局送出五擺三振失一分个好表現。率領雙城五比一贏，雙方進入搶七大戰。

明尼蘇達州，布魯明頓，大都會體育場山迪・柯法斯淨歇睏兩日斯再過一擺登板定，第三擺對著吉姆・卡特。兩片投手乜在這場比賽頂項表演精彩个投手大戰，毋過 Lou Johnson 在四局上咬等機會敲咧卡特一發陽春砲，後背又靠等連續安打追加一分。

柯法斯又再一擺演出九局十 K 个完封勝，完全看毋出來淨尞兩日仔。終場道奇靠這兩分以二比零打敗雙城，得著了世界大賽个冠軍。