一九六三年歐洲歌唱大賽

一九六三年歐洲歌唱大賽（英語：Eurovision Song Contest Grand Prix 一千九百六十三）係歐洲歌唱大賽第八屆比賽，在一九六三年三月二初三在英國倫敦舉行，法國在舊年打頭名，毋過佢正在一九六一年舉辦忒一場大賽，毋想在恁短个時間內再過主辦，故所將這個光榮送分了英國，分佢成為這擺主辦國。這類事件乜在一百九十六零年發生過，當時由荷蘭送摎英國。

丹麥第一擺贏，芬蘭、挪威、瑞典第一擺無得著半點分數，荷蘭係第二擺得著零分，也成為了第一個連兩屆無得著分數个國家。

賽場

比賽 BBC 電視中心舉行，工使用兩間工作室，一間分女主持人凱特 ・ 波伊爾、觀眾同記才枋使用，另外一間係分表演者同管弦樂團。

播音設備

這擺个大賽較無恁平常个事係，主辦單位請來吊杆操作人員 ( 就用手提長筒錄音器个人員 )，毋係單淨用麥克風，毋過觀眾毋知得情，故所表面項看起來蓋像歌手在學佢等自家个聲。這個新方式呢只係想愛分這個大賽有看起來摎過無共樣个一面，毋過無麼个效果，往後這種方式無分人使用過吔。

爭議

本年在投票過程有一項爭議。在輪著挪威評審團透過電話投票宣布佢兜个結果个時節，位在奧斯陸个發言人並無照大賽程序宣布。原旦大賽个規定宣布个程序應該係先「歌曲順位」再過來係「國家名稱」，盡尾正係分數，主持人凱特要求佢兜再過宣布一擺結果，毋過挪威評審團个發言人嗄愛所有國家个評審團宣布忒過後再轉來問佢兜。係講主持人再過轉來問挪威評審團个時節， 佢這兜个配票竟然離奇个變忒了，來改變比賽个結果，冠軍係挪威个鄰國－丹麥。事實上，有人懷疑其實只係挪威評審團个發言人在第一擺無細義講毋著配分定定。另外，當輪著摩納哥評審團个時節無細義多分一分盧森堡，導致主持人再一擺轉來問摩納哥評審團分佢兜个分數係毋係正確。

參賽國

這擺个大賽總共十六隻參賽國，成員摎前兩年共樣共樣。

_ 依照各國家英文翻譯名排列 _==結算==

比賽在一九六三年三月二十三舉辦，由丹麥第一擺打贏，得著了下一屆主辦權。