一九五六年大峽谷空中相撞事件

一九五六年大峽谷空中相撞事件係在米國當地時間一九五六年六月三十，拜六朝晨頭十點半左右發生著一起空難；兩機頂項包含所有遊客摎機組人員在內，合總下一百二十八儕人全部罹難。這起空難在該央時係歷史上最嚴重个商用客機空難。事件促使美國徹底改變原有个飛行規則。

事故班機

聯合航空七百一十八號个班機，機型道格拉斯 DC七點七 Mainliner，係一班以來去洛杉磯國際機場同芝加哥中途國際機場个定期班機。當日由機長 Robert Shirley 摎副駕駛 Robert Harms 執飛。朝晨頭九點四分，飛行機坐載仔五十三儕人客摎五儕機組人員（包含兩個旅行員）， 對洛杉磯國際機場飛去芝加哥中途國際機場。

環球航空二號航枋，機型洛克希德 L 176一千空四十九超級星座式，由機長 Jack Gandy 摎副駕駛 James Ritner 執飛。當日个朝晨頭九點一分，飛機坐載吔六十四個人客同六個機組人員（包含兩個乘務員摎一個休班飛航工程師）， 對洛杉磯國際機場飛去堪薩斯市機場。

兩機相撞

該兩台飛行機定定仔偎近大峽谷个時節，兩者間个距離緊來緊近。

當時美國只有少數機場裝有雷達，雖然洛杉磯機場也有放雷達，這兩台飛行機乜識出現在雷達頂；毋過兩機已經遠離雷達个範圍，故所航空管制人員毋知佢兜將會相撞。

航管中心有一張擺在地圖个桌仔，航空管制人員會徙動地圖頂項个標誌，以標示每一臺飛行機个位所摎進前知个位所。飛行員會用無線電同佢兜公司个調度員佢兜所在个位所。航管人員利用這份資料大體知得飛行機个航線—— 但係事實上航管人員根本毋知飛行機个位跡，佢這兜淨做得用估算个方式式來寫報告。

另外，兩機駕駛也習慣在出天時好天个時節紹介大峽谷哦，佢兜做得分飛行機倚恃左片或者右，對鄉親紹介大峽谷。結果，聯合航空班機漸漸仔對右片偎近環球航空班機，毋過兩機駕駛並毋知佢這兜个飛黏時就愛相撞吔。

調查

兩個駕駛當時按照目視飛行規則飛行，這項規則安到看著摎被看著—— 𠊎看著你，你看著𠊎，𠊎兜之間愛保持距離。毋過事實上，天頂當大，飛行機个飛行个速度也當遽，係講你看著另外一臺飛行機，怕無時間好閃吔—— 因為人个視覺只有一百八十度，看著還有避開空中所有東西。

調查指出，兩機係因為無在管制空域正發生相撞，還過兩臺飛行機摎管制系統都無法度知飛行機確定个位仔。

事後

事後，全米國个機場黏時加裝雷達。同時，飛行規定更加嚴條，從這以後，飛行機淨做得在規定个空中行廊—— 對航路飛行。

米國這下使用个航空管制系統乜係針對大峽谷空中相撞事件設計个。

這起空難決定了以後飛行機个飛行之間，還有雷達碟形个天線摎航空管制中心該片設置在哪。

聯邦航空總署 ( FAA ) 乜係因為這擺事件成立个。《 空中浩劫》同這事故收納在第八季个第一集（特輯）《 System Breakdown》還過第十二季第六集《Grand Canyon Disaster》

參考資料

空中浩劫— 特輯四 : System Breakdown ( Communication Breakdown )