一九五一年黃金海岸大選

一九五一年二月初八，英國殖民地黃金海岸舉行大選。雖然講黃金海岸自一九二五年起勢就舉行了立法選舉，因為立法會無完全立法權，還過投票權單淨限於符合財產要求个城市地區居民摎酋長。所以一九五一年个選舉係在非洲个頭一擺在普選制下舉行个選舉。

背景

跈等要求組建自治政府个呼聲緊來緊多，像一九四八年阿克拉騷亂（這擺騷亂導致著六儕人團分人來捉）。於是啊，庫西委員會受著英國政府委託，這結果係一九五一年《庫西憲法》个出台，所以憲法分非洲人在行政委員會當中最多數个地位，並設立著一個由八十四名議員組成个立法議會，其中三十八儕由選產生吔，三十七儕人由領土委員會當中產生，六儕人從商會代表當中產生以代表商會利益，三儕由總督直接任命，該兜代表商會利益个並由總督任命个成員都係白人。

競選活動

總共有一百一十七名候選人參加了著三十八個議席个競選競爭。除忒兩隻主要政黨大會人民黨摎黃金海岸統一大會黨參與競選競爭，伸下來个幾個高度集中在地區个小黨國家民主黨，幾個獨立候選人，還有 AsanteKotoko 黨也都參與這擺選舉。大會人民黨總書記科喬 ・ 博特西奧在無競爭對手个情況之下贏了溫尼巴个席位，只有佢一個競選人做到這點。

恩克魯瑪个助手、後來任財政部長科姆拉 ・ 阿格貝利・ 格貝德瑪分人認為組織了大會人民黨在歸隻選舉期間个競選活動，該時恩克魯瑪還分殖民政府關押在詹姆斯堡監獄。下後，恩克魯瑪正式贏得阿克拉中央市个議席。

選舉結果

梅仔 ・ 恩克魯瑪个人民大會黨贏著議會三十八個議席當中个三十四個，在城市地區得著全部五個議席摎將近百分之九十五个選票；恩克魯瑪本人以二十三千一百二十二張選票當中个二十二張選票二千七百八十張个贏著吔阿克拉拉中心个議席。 在農村地區，人民大會黨贏著了三十三隻席位當中个二十九隻，得著大約百分之七十二个選票。主要个反對派—黃金海岸統一大會黨在這擺選舉表現非常好，淨贏著兩隻議席。選舉過後，黃金海岸統一大會黨解散。統一大會黨个前黨員繼續組建加納大會黨（後為聯合黨）。 其他政黨在選舉當中幾乎都無取得任何成果。

人民大會黨在議會當中還得著咧二十二名間接選舉產生个議員个支持，故所在八十四個席位當中佔了五十六隻席位。

後果

人民大會黨贏著阿克拉中心區个議席過後，恩克魯瑪放出來，還過分人任命為「政府事務領導人」，第二年在憲法修訂過後成為這隻國家第一任个總理。

十九五四年頒布了另外一部新憲法，隨後在同年舉行選舉，人民大會黨還係勝選。在恩克魯瑪个政黨於一九五六年再一擺取得選舉勝利過後，黃金海岸在一九五七年三月六號成為第一個得著獨立个委哈拉以南非洲國家（除了南非之外）， 還同國名改做加納。