一九二六年蘇聯人口普查

一九二六年蘇聯人口普查係蘇聯个頭一擺全聯盟人口普查，係由蘇聯中央統計局來負責。普查從一九二六年十二月十七開始，在鄉村有十四該日，在城市為期七日。調查項目包含：性別、年齡、民族、母語、胞衣跡、婚姻狀況、讀寫能力、身心障礙个消息、職業、工作狀況這兜。這擺普查總共花了七百萬盧布，一千九百二十八 - 二九年出版大部份調查結果，全五十六冊。

這到普查係布爾麼維克取得政權過後个頭一擺全國人口普查，在這之前還有兩到局部人口調查，分別係一九二零年同一九二三年人口調查。一九二零年人口調查舉行在俄羅斯戰同波蘇戰爭个期間，所以調查查範圍並無包含大部分个外高加索、烏克蘭、白俄羅斯、西伯利亞、遠東、中亞摎北極地區。一九二三年人口調查係單淨限制在城市个地區。在俄羅斯革命之前个唯一一擺普查係一八九七年俄羅斯帝國人口普查。

這擺普查係政府提供豐富个民族誌資料，依據列寧个民族區域自治理論畫分行政區，協助俄羅斯社會從帝制轉型為蘇維埃制，建立一隻社會主義个民族共同體「蘇維埃人」。