一九二五年緬甸議會選舉

英屬緬甸在一九二五年十一月十七舉行立法會選舉。根據二元憲制文件个條款，緬甸立法會係英屬緬甸政府个諮詢機構，對立法會議員當中委任个部長有直接主管教育、地方行政、公共衛生還過農林這兜政策範圍个權力。在選舉當中得票最多个係民族黨，毋過該黨嗄因為英國當局屬於意獨立黨組閣而無法度籌組政府，最終獨立黨組建了一個以約 ・ 奧 ・ 貌基（J . A . Maung Gyi）為首个政府。

選舉制度

緬甸立法會設有一百空三隻議席，其中八十席係經過選舉產生个，當中包含藉由普通選民投票產生个「非團體」議席，還有二十四個預留分少數族裔（印裔緬甸人八席、克倫族五席、歐裔人士摎英裔印度人各一席）、 工商業團體（緬甸商會兩席，中華商會、印度商會摎仰光商會各一席）同仰光大學（一席）个「團體」議席。另外，立法會還有二十一名由總督委任个議員（兼任政府官員个委任議員人數上限係二十一儕人）摎兩名由行政會議成員擔任个官守議員。

競選活動

印度自治黨在緬甸个分支—— 以吳多基（U Toke Kyi）為首个斯瓦臘季黨在這擺選舉當中派出了二十名个候選人。獨立黨派出了八十五名个候選人，而民族黨係派出吔四十九個候選人。貢魯爾黨乜參加了這場選舉，佢兜誓言會拒絕接受任何月給个官職。==選舉結果==

這擺選舉个投票率只有百分之十六，毋過這已經高於一九二二年立法會選舉个投票率（百分之六十九）。 投票率擎高个原因係：一、成為民選議員个政治人物在任期當中成功修訂一兜有爭議个法例个事蹟，二、當地政黨數目个增加。斯瓦臘季黨在選舉當中个表現異差，連吳多基也在自家參選个選區失敗。