一九二七年遠東運動會

一九二七年遠東運動會係第八屆遠東運動會，中國、日本摎菲律賓三國派出選手參加，在一九二七年八月二十八到三十一在中華民國上海舉辦。這擺運動會頂高總共有八隻比賽項目。

這擺運動會乜有女運動員參與，比將講有女運動員參加了排球表演賽。毋過佢兜个出現引起了一兜觀眾个不滿，佢兜對女運動員大聲喊。結果比賽比預定个時間有變短。

中國摎菲律賓之間个腳球比賽出現吔混亂，兩隻球隊開始相吵，觀眾向球場項擲東西—— 有兜人離開看台加入混戰。這使得中國組織方對菲律賓代表團有所不滿，在比賽過後中國方面个運動會組織者沈嗣良公開表示，中國摎日本女性應當避開菲律賓代表團。