一九三二年夏季奧林匹克運動會

第十屆夏季奧林匹克運動會（英語：the Games of the X Olympiad，法語：les Jeux de la Xe Olympiade）， 一般喊做一千九百三十二洛杉磯奧運，在一九三二年七月三十到八月十四在美國加州洛杉磯舉行。因為這屆奧運會係在世界經濟大蕭條中期還有相對遙遠个洛杉磯來舉行，所以參與个人數只有一九二八年个一半。毋過呢競技个水平還係當高个，有十八項世界紀錄抑係分人打破抑係分人追平。鄉親个人數乜創造吔紀錄，有十萬人參加了開幕式。這擺奧運會還頭一擺在十六日內來完成，從此以後奧運會舉行个持續時間一定愛保持在十五到十八日以內。在一九零零年到一九二八年，無一屆夏季奧運會短過七十九日。在田徑賽比賽裡背，正式引入了自動計時系統，同時還設立吔終點影像个翕相機。

背景

洛杉磯早在一九二零年提出申辦第十屆奧運會。一九二三年國際奧委會羅馬會議決定了第十屆奧運會在洛杉磯舉行。羅馬會議以後，洛杉磯市就開始來準備，就係使係在經濟危機席捲全球个時節，乜無受著幾大影響。準備工作大體係一九三零年完成。體育設施還有其他安排都當優秀，係以往擺比毋得个。體育場館毋單淨設計新穎，設備當完善，還過宏偉壯觀，做得容納觀眾十五萬儕人。另外，還起吔有觀眾席一萬二千零个綜合性體育館，等一下。男選手頭一擺歇在單獨个奧運村（女選手係分人安排在比賽場个豪華酒店裡背）從這屆奧運會過後，主辦國必須修起一座奧運選手村。

焦點

• 頭一擺係運動員建造吔奧運村。由男運動員開始戴。
• 中華民國第一擺派出田徑選手劉長春參加了一百米還有兩百米走相逐，雖然在預賽出現，毋過係歷史上第一位參加奧林匹克運動會个中國運動員。
• 日本田徑選手吉岡隆德在一百米準決賽以十八三秒入到決賽，還過在決賽當中用十五秒鐘得著第六名，成為第一儕進入奧運一儕零米決賽个亞洲選手，後來男子一百米這一項目一直到八九年過後正再過有亞洲選手入到決賽。
• 台灣（該央時係日本殖民地）運動員張星賢參加了田徑四百公尺中欄預賽，在分組當中成績五十七秒第四名，無法度來進入複賽。張星賢係第一位參加奧林匹克運動會个台灣人。代表中華民國同時參加該屆奧運會个劉長春，張星賢報名時間、進入選手村報到時間還有上場比賽个時間都較恁早。。

這屆奧運會在頒獎儀式上擺進行了奏得勝者所在國歌摎升國旗儀式。從這以後逐隻比賽个頒獎儀式都黏時舉行，毋係在閉幕日集體進行。

比賽項目

一九三二年夏季奧運會總共有十四個運動，二十個單項呢，一百一十七隻項目組成。

表演个項目

• 美國腳球
• 長曲棍球

參賽國家同地區

總共有三十七隻國家參加吔這屆奧運會，其中哥倫比亞還過中國係頭一擺參加奧運會。

參見

• 一九三二年冬季奧林匹克運動會
• 舉辦在米國个奧運會
• 一九零四年夏季奧林匹克運動會–聖路易
• 一九三二年夏季奧林匹克運動會–洛杉磯
• 一九三二年冬季奧林匹克運動會–普萊西德湖
• 一九六零年冬季奧林匹克運動會–斯闊谷啊
• 一九八零年冬季奧林匹克運動會–普萊西德湖
• 一九八四年夏季奧林匹克運動會–洛杉磯
• 一九九六年夏季奧林匹克運動會–亞特蘭大
• 兩百兩年冬季奧林匹克運動會–鹽湖城
• 二零二八年夏季奧林匹克運動會–洛杉磯
• 其他綜合運動會
• 一九七二年世界夏季特殊奧林匹克運動會
• 一九八五年夏季聽障奧林匹克運動會
• 二零一五年世界夏季特殊奧林匹克運動會
• 二零二八年夏季帕拉林匹克運動會

外部連結

• 國際奧委會有關一九三二年洛杉磯奧運會个資料
• 中國奧委會有關第十屆奧運會个資料