一九七四年世界大賽

一九七四年世界大賽係由代表美聯个奧克蘭運動家還有代表國聯个洛杉磯道奇在世界大賽當中來對決。最尾由運動家隊四勝一敗打敗道奇，除忒講洋基隊，第二支拿著世界大賽三連霸个隊伍。

這屆世界大賽乜係大聯盟第一擺都係來自加州个野球隊對決，後來兩隊在一九八九年又在世界大賽項堵著。

總結

美聯奧克蘭運動家（四）- 國聯洛杉磯道奇（一）

逐場打子

第一戰：十月十二號

加利福尼亞州，洛杉磯，道奇體育場瑞吉 ・ 傑克森先在二局上開轟，續等五局上運動家再過拿下一分。毋過道奇隊在下個半局黏時逐轉一分，比賽還係無共樣。

八局上，阿伯特 ・ 坎潘奈瑞斯敲安後靠等犧牲觸擊企項愛點圈。結果道奇隊後背發生傳球失誤，分坎潘奈瑞斯走轉來第三分。

九局下，Jimmy Wynn 敲出全壘打再過追近分數，毋過道奇最尾還係以一分差距敗下陣來。

第二戰：十月十三

加利福尼亞州，洛杉磯，道奇體育場道奇隊先在二局下靠等保送摎兩支安打拿下一分，還過在六局下偎靠 Joe Ferguson 愛兩分砲追加保險分。

唐 ・ 薩頓投忒前八局一分無失忒，並送出九到三振。毋過佢在九局項擲出一粒觸身球，還過分人敲出二壘安打過後退場。Joe Rudi 從 Mike Marshall 手項敲安來，使致到比賽變二比三。毋過 Marshall 還係成功收下了比賽勝利，系列賽雙方一比一輸平手。

第三戰：十月十五

加利福尼亞州，奧克蘭，奧克蘭–阿拉米達郡競技場

Al Downing 在三局下出現著亂流，佢在三局下分人敲出兩支安打，還過隊友失誤跌了兩分。四局下，伊又分阿伯特 ・ 坎潘奈瑞斯敲安失分。

雖然比爾 ・ 巴克納摎 Willie Crawford 都敲出全壘打幫助道奇隊追分，毋過這兩轟都在比賽過後段，還過都係陽春砲。盡尾運動家三比二係拿著了第三場个勝利。

第四戰：十月十六

加利福尼亞州，奧克蘭，奧克蘭–阿拉米達郡競技場兩隊在前二局無攻下來分數，結果 Ken Holtzman 顛倒先自家敲出陽春砲得分。毋過 Bill Russell 在四局上敲三壘安打下二分，道奇隊反超比數。

六局下，Andy Messersmith 遭遇著亂流。開局無幾久佢就發生牽制失誤，後來佢在這局送出三擺保送，還過分人敲出兩支安打。運動家在這局打下四分大局，最尾也影響了勝利。

第五戰：十月初一初七

加利福尼亞州，奧克蘭，奧克蘭–阿拉米達郡競技場運動家避免轉夜又長又多，前兩局就先攻下分數。毋過道奇隊馬上穩定个形面，並在六局上成功追平比分。

七局下，又係Mike Marshall 對決 Joe Rudi。結果 Marshall 無復仇成功，顛倒分人 Rudi 敲出全壘打。

就靠等了這支全壘打，運動家終場以三比二贏球，成為洋基隊以外，第二支拿著世界大賽三連霸个球隊。

重點个球員

運動家

• 瑞吉 ・ 傑克森：世界大賽得著五擺保送係全隊最高，打擊率二成八十六。
• Joe Rudi：世界大賽个打擊率有三成三十三，敲出著六支安打摎四分打點都係全隊最高。
• 阿伯特 ・ 坎潘奈瑞斯：世界大賽打擊率三成五十三，敲出六支安打並列隊上第一。
• KenHoltzman：世界大賽先發二場拿著一勝，十二局投球送出著十到三振單淨失二分自責任分。另外也在世界大賽敲出全壘打。

道奇

• 史蒂夫 ・ 賈維：世界大賽打擊率三成八十一，敲出兩隊最多个八支安打。
• 唐 ・ 薩頓：世界大賽先發二場拿著全隊唯一一贏，防禦率二千七百空二。
• Jimmy Wynn：世界大賽得著四擺个保送，敲出一轟摎二分打點。
• Mike Marshall：世界大賽出賽五場，九局投球送出著十擺个三振單淨失一分。

外部連結

• Almanac 網站頂項有關一九七四年世界大賽个頁面
• MLB 官網裡肚个一九七四年世界大賽頁面
• Reference 網站頂項有關一九七四年世界大賽个頁面
• 一九七四年世界大賽逐場比賽結果還有逐球詳細紀錄