一九七六年夏季奧林匹克運動會手球比賽

一九七六年夏季奧林匹克運動會个手球比賽由一九七六年七月十八日到七月二十八舉行，為期十一日，分別設有男子手球還過女子手球二个比賽个細項仔。

本屆个男子項目原有十二隻隊伍參與，毋過因為二十二个非洲國家聯合抵制這屆奧運會，分原來參賽个突尼西亞退出賽事；另外，這屆係夏季奧林匹克運動會手球比賽第一擺增加細妹仔个項目，總共有六隻隊伍參與。這屆个男子手球摎女子手球金牌，都係蘇聯得著。