一九七九年梅竹賽

民國六八年（一九七九年）己無梅竹比賽係第十一屆國立清華大學同國立交通大學之間个梅竹賽，由國立交通大學主辦，國立清華大學協辦。比賽結果，國立清華大學以九比二取得本屆賽事總錦標。這屆梅竹賽一共有男籃、細倈仔排、野球、棋藝、橋藝、腳球、田徑、國語辯論、英語演講、挷大索、趣味競賽等十一隻項目，其中交大在野球、腳球項目比賽贏，清大係在其他有九個項目贏吔。

一九七八年十二月十六，美國總統吉米・卡特宣布自一九七九年一月一號開始摎中華人民共和國建交，兩間學校个先生學生仔義憤填假，聯合發表梅竹宣言摎上電總統，全力擁護政府，並取消著梅竹音樂會，改做電影欣賞。

在本年梅竹賽增設指導委員會，由訓導長、總教官、主任教官、課外活動組主任出席，兩間學校个總幹事列席。兩方籌委會對賽程問題意見相左，決定兩份無共樣个賽程送交指委會決定，指導委員會決議依照「梅竹」順序先例跌銀角仔決定。在這屆賽事當中，爆發腳球場相打个事件。