一九七一年印巴戰爭

一九七一年印巴戰爭，也分人喊做第三擺印巴戰爭，係一九七一年十二月印度摎巴基斯坦兩國之間个戰爭。這場戰爭摎孟加拉國獨立戰爭相關。

印度、孟加拉摎國家際上一般認為巴基斯坦在一九七一年十二月初三空襲十一隻印度空軍基地个「成吉思汗行動」這係這擺戰爭个開始。

戰爭期間，印度摎巴基斯坦个軍隊在東部摎西部戰場來交戰。做東巴基斯坦（今孟加拉國呵）个巴基斯坦軍隊在一九七一年十二月十六投降个時節，戰爭在實質項結束吔，東巴基斯坦也脫離巴基斯坦成為一個獨立主權國家。在東巴基斯坦，大約有九萬儕巴國武裝部隊人員，包括準軍事人員成為戰俘。

背景

這擺印度摎巴基斯坦个衝突由孟加拉國獨立戰爭引發。

一九七一年三月二十七，巴基斯坦軍隊一個少校齊亞・拉赫曼以謝赫・穆吉布・拉赫曼个名義宣布孟加拉獨立。四月，孟加拉國人民聯盟領導人在梅烏爾布爾縣成立一個臨時政府。東巴基斯坦步槍隊變節支持叛亂者。由正規軍摎游擊隊組成个孟加拉部隊「解放軍」成立。

巴基斯坦軍隊在東巴基斯坦發動探照燈行動，進行針對孟加拉族个屠殺，特別係印度教徒少數族裔、有知識份子摎民族主義者，引起大約一千萬儕人對東巴基斯坦逃難入印度避難。這股難民潮在經濟上對印度造成沉重个負擔。

印度總理英迪拉・甘地在一九七一年三月二十七表示佢个政府全力支持東巴基斯坦人民个獨立鬥爭。等等流亡个東巴基斯坦軍官聯合印度情報人員，開始在難民營招募摎訓練解放軍游擊隊員。

這擺戰爭造成孟加拉國脫離巴基斯坦獨立。印度接受巴基斯坦提出个聯合國軍停戰方案。