一九一五年倫敦條約

一九一五年倫敦條約係義大利同三國協約个秘密協定，在一九一五年四月二十六由義大利王國、英國、法國摎俄羅斯簽署。

根據協定，義大利愛退出三國同盟，加入三國協約。一九一四年九月初四到初五，在倫敦簽署个祕密協議，已經包含這條款欸。還過，義大利一定愛在一隻月以內向德國同奧匈帝國宣戰。其實，義大利係確實在該年个五月二十三號向奧匈帝國家宣戰。義大利將會在戰後得著領土做為報酬（詳細還吂收復个義大利）。

領土个分配

義大利會得著：

一 . 个里雅斯特二 . 特倫托三 . 戈里齊亞四 . 伊斯特拉半島，毋過毋包含阜姆五 . 札拉六 . 佐澤卡尼索斯群島七 . 阿爾巴尼亞係保護國八 . 發羅拉九 . 部分達爾馬提亞十 . 部分德國在亞洲摎非洲个殖民地塞爾維亞王國將會得著：一 . 斯普利特二 . 克爾卡河以南个海岸還有島嶼，一直到杜布羅夫尼克，還有佩列沙茨半島還過，協約國也容許塞爾維亞得著以下地區，但係並無清楚个說明： 三 . 波士尼亞還有赫塞哥維納四 . 斯雷公姆五 . 巴奇卡六 . 斯拉沃尼亞（雖然義大利反對這項建議） 七 . 無指清楚个阿爾巴尼亞領土（由塞爾維亞、烏山摎希臘分配）

烏山王國將會得著：

一 . 杜布羅夫尼克二 . 阿爾巴尼亞海港聖金（意語：San Giovanni di Medua）以南个海岸義大利堅持，扎拉摎伊斯特拉半島之間个克羅埃西亞海岸應該在戰後正解決，得著協約國同意。還過，義大利認為做毋得分塞爾維亞知協議。毋過，協約國駁回這項建議，在一九一五年八月初四向塞爾維亞政府發出照會，確定塞爾維亞摎蒙特內哥羅戰以後可以得个領土。

這協議保持祕密，毋過十月革命過後，俄羅斯報章消息報摎佢公開。

戰後，美國總統伍德羅 ・ 威爾遜支持塞爾維亞這兜斯拉夫國家个宣稱，毋過毋支持這隻協定，否決義大利對達爾馬提亞地區个領土宣稱。結果，凡爾賽條大約廢忒咧倫敦協定。 造成日後義大利為了解決經濟問題扶植法西斯政權。

參看

• 一九二零年拉帕洛條約
• 聖讓 - 德莫里耶訥協定（St . -Jean-de-Maurienne）