一九一七年世界大賽

一九一七年个世界大賽係由代表美聯个芝加哥白襪摎代表國聯个紐約巨人對壘。最尾白襪隊以四勝二敗打敗巨人，拿下著隊史第二冠。

該年白襪拿著一百勝五十四敗，係隊史頭一擺乜係唯一一擺單季一百勝 ( 截至二零一七年 )，佢等隔吔八八年正拿著隊史第三個冠軍。

白襪隊投手 Red Faber 世界大賽三勝一敗，為球隊打頭名个功臣。

總教練：Pants Rowland（白襪仔）、約翰・麥格勞（巨人呢）。

裁判：Bill Klem（國聯）、 Silk O'Loughlin（美聯）、 Cy Rigler（國聯）、 Billy Evans（美聯）。

總結

美聯芝加哥白襪（四）- 國聯紐約巨人（二）

Shano Collins 走轉白襪第一分，Happy Felsch 打出陽春砲追加比數，巨人單淨靠緊投手 Sallee 个安打逐轉一分，盡尾白襪二比一贏球。

兩隊在第二局各拿著兩分，四局下，白襪單局六支一壘安打送轉五分，最尾白襪以七比二贏第二勝。

Rube Benton 九局五安五 K 無失分，再加上四局下巨人擊出三安得二分，巨人贏得系列賽第一場優勝。

巨人倚恃 Ferdie Schupp 个好投，連兩場完封白襪，其中 Benny Kauff 單場雙響灌進三分打點，為比賽致勝功臣。

以五比二領先个巨人進入到七局下半，嗄變做佢這兜个惡夢，Chick Gandil 打出二分打點二壘安，再靠等失誤歸來得著追平分。

八局下半，艾迪・柯林斯、無鞋喬・傑克森、Happy Felsch 連三支一壘安打送轉三分保險。後援二局个瑞德・法伯就收下來第二勝。===第六戰：十月十五===

第四戰先發、第五戰後援个瑞德・法伯，燃燒手臂完成投九局失二分。四局上白襪拿下三分，第九局再過逐加一分。最終白襪以四勝二負拿下著一九一七年世界大賽冠軍獎盃。