一九六四年布林克斯酒店爆炸事件
布林克斯酒店爆炸事件發生在南越西貢个布林克斯酒店，就係分人知得个布林克斯單身軍官宿舍，越南戰爭期間个一九六四年十二月二十四暗晡分越南方民族解放陣線武詐份子炸忒。兩位南越民族解放陣線个特工人員引爆咧位在酒店內部个汽車炸彈，這座酒店駐紮个全係美國陸軍官。爆炸造成兩個米國人死亡，一名軍官摎一名軍士，同時造成大約六十個人受傷，其中包含軍事人員摎越南平民。
越南方民族解放陣線指揮官腦海中計畫了為這擺冒險行動所設定个兩隻目標。首先，通過襲擊處在首都重點防護中心地段个美軍設施來顯示佢兜有攻擊南越个實力，恁呢好分美國考慮係毋係決定愛向北越發動空襲；第二，通過攻擊做得摎南越美國講係脆弱个，南越也做毋得靠美國个保護。
爆炸事件引發咧美國總統林登 ・ 詹森對這件事情个問題。大多數總統个顧問都贊同對北緊展開報復性个轟炸行為還過引進米國作戰部隊，毋過詹森嗄愛向執行現有个戰略，就訓練南越軍分佢兜自家保護南越。到盡尾，詹森總統占了上風還過無採取任何報復性行動。
背景同計畫
第二次世界大戰以後，由共產主義帶領个越盟摎法國殖民侵略者進行了鬥爭，个目的就係為著愛得著越南人民獨立。一九五四年奠邊府戰役中法國大敗過後，越南用十七度線分做南北越，按算在一九五六年正迎來全國性統一大選。因為北越共產主義摎南越反共產主義个長期存在還過北越摎南越係兩個獨立个地區，故所選舉活動取消吔。在二十世紀五十年代後期，南越游擊隊，像係大家知个、受北越政府秘密支持个越南方民族解放陣線游擊隊，開始發動在共產主義統治下重新統一越南个叛亂行動。當時處於冷戰時期个高峰，米國做為南越最主要个支持者，派遣吔異多軍事顧問以幫助越南共和國軍隊進行訓練摎指導，使得佢等做得對抗南越民族解放陣線。到一九六四年為止，在越南个美國軍事人員達到吔二輔導三千儕。共產主義者認為美國人係殖民者，共樣認為南越係佢兜个偶，故所用武裝力量攻擊佢兜。
爆炸事件係由兩個越南方民族解放陣線特工策劃摎實施个，佢兩儕乜走忒了還過又無分人捉著。越戰結束過後其中一位特工阮慶軒（Nguyễn Thanh Xuân）對歷史學家斯坦利 ・ 卡勞（Stanley Karnow）追憶了佢个過去。十一月底，佢同佢接著咧一份來自越南方民族解放陣線个命令，要求佢兜去炸忒布林克斯酒店。這座六棧高並有一百九十三間睡房个建築歇个都係美國陸軍軍官，其中包括陸軍少校摎陸軍中校，因為這個酒店有好食个東西、飲料、盡部个休息區還有電影院，佢也吸引吔該兜無執勤任務个人員。這兩儕特工在續下來个一隻月內在繁忙街路个人群中詳細觀察咧佢兜个目標，發現南越軍官進出這酒店，故所以佢等從西貢烏市弄來南越軍隊制服，假做南越軍事人員入到酒店觀察。阮慶軒喬裝成一個軍事司機， 同時佢个搭檔偽裝做一個南越少校。佢等攞入正式个南越軍官裡背，模仿佢兜个言談舉止、講話方式，乜係食菸个姿勢。過吔這兩個南越民族解放陣線个特工得著行動所需要个車仔摎爆炸物。
越南南方民族解放陣線指揮官腦海當中為這擺冒險行動設定兩隻目標。首先，通過襲擊處在首都重點防護中心地段个美軍設施來顯示佢兜有攻擊南越个實力，恁樣做得分美國考慮係毋係決定愛向北越發動空襲；第二， 通過攻擊做得摎南越美國講係脆弱个，南越也做毋得靠美國个保護。阮慶軒進一步表示：「 從此事發生以後，米國軍隊犯下个罪行都係直接針對這件事情个」。 佢回憶道在平安夜該日布林克斯酒店个美軍兵將會當多，因為佢兜會在酒店慶祝聖誕節，恁呢个話攻擊就會比平常日造成還較多个人員損傷。
爆炸
爆炸攻擊个人摎炸藥囥起來在其中一臺汽車个後斗，並在下晝五點四十五分用設置好个定時裝備觸發了炸彈，該央時堵好係軍官酒吧个歡樂時光。襲擊者摎車仔駛到酒店，佢兜由確切个情報得知一位美軍上校該下轉到美國，「 少校」騙酒店前台工作人員佢同該位上校有約，還過聲稱該儕學校會對大奇怪市來。前台工作人員回覆講該儕學校已經離開越南，毋過「少校」嗄堅持這位工作人員毋著吔。續等「少校」將汽車停到咧賓館个地下停車場，在停車進前分厥个司機離開還過用另外一臺汽車去接該位去學校。續等「少校」離開了酒店，還要求警衛同該位美軍講一定愛等佢歸來。「少校」講自家已經歸日無入食，準備愛去附近个一間咖啡館。
炸彈在「少校」餐廳食東西个時節引爆，造成兩個美軍人員過身。其中軍階較高个係陸軍上校詹姆斯 ・ 羅伯特 ・ 海根，佢在軍隊做了超過二十年，生前為米國軍事援助越南司令部工作。另外一儕受害者係班傑明 ・ 貝特朗，佢係美國軍事援助越南司令部个參謀軍士也做為老兵服役也超過二零年，在一九六五年一月傷重不治。
傷亡報告係盡有矛盾个。卡勞報導事件當中有五十八儕（軍事人員和平民）著傷，馬克 ・ 梅約（Mark Moyar）報導有三十八名美國軍官摎二十五儕越南平民受傷，另外戰地記者 A . J . 蘭古斯（A . J . Langguth）報導有十名美軍摎四十三儕越南平民受傷。除忒堅持建築物个鋼梁，爆炸強強會摧毀歸隻第一層。最頂高个四層樓分人爆炸衝擊波摎持續个大破壞力來損壞。還較嚴重个係地下停車場停放等幾下臺準備運送天然氣罐个拖拉庫，炸彈爆炸个時節還引發了天然氣爆炸，歸隻地方一片火海。該央時美國个演員鮑伯 ・ 霍伯正在西貢為美軍事人員進行慰問演出，佢係毋係爆炸攻擊个目標這點無當清楚，梅約報導講霍伯本旦係目標人物，毋過因為機場个行李延誤誤吔時間。同時，勞倫斯 ・J ・ 奎克（Lawrence J . Quirk）報導當時這位喜劇演員同厥个團隊當時歇在街對面个賓館還過無受著爆炸衝擊波个影響。
反應
這擺个襲擊事件呢著驚咧美國官方摎越南个領導人，佢等自信个認為南越政府已經完全控制吔西貢還過越南方民族解放陣線毋過在農村地區一細股威脅力量。南越政府無穩定个，還過這隻政府係分人罷肥以前短期執政過个軍事執政體。恁樣个混戰激怒咧時任米國駐南越大使馬克斯維爾 ・ 泰勒，佢並識係美國參謀長聯席會議主席；佢認為南越高級軍官之間个糾紛既經使得戰爭正常个努力偏離咧軌道。就在爆炸事件發生个前兩禮拜，將軍佢兜解散咧最高全國議會，這係一個平民諮詢機構，使泰勒召集這兜將軍還過發譴个罵佢兜，第二日泰勒要求阮慶將軍辭職，因為泰勒失去對厥信任。阮慶威脅愛逐逐泰勒，泰勒嗄講這種分人強迫性个離開斯會表示有美國國對南越个支持將會結束。十二月二十二號，阮慶在越南之聲上宣布「𫣆為國家个獨立摎越南人民个自由犧牲了忒多，但是𠊎兜毋會實行任何外來國家个政策」。 十二月二十三號，阮慶在接受《紐約先驅論壇報》採訪時明確个講愛泰勒，還過在爆炸事件發生个該日，佢簽吔一項有關「外國操縱」个獨立宣言。同時，阮慶秘密个摎共產主義者協商，希望做得達成一項和平協議以用來將美國人逐出越南。結果少部分人懷疑阮慶摎佢个幕僚係這擺爆炸事件个幕後主腦，就算南越民族解放陣線已經通過廣播宣稱對爆炸事件負責。
該央時駐越米國軍人司令部司令威廉 ・ 威斯特摩蘭將軍、泰勒，還有在西貢摎華盛頓个米軍高級官員強烈敦促總統林登 ・ 詹森授權對北越展開報復性个轟炸行動。泰勒在聖誕節該日分華盛頓發來電報，寫講「除忒現有个苦難，河壩肚會受著還較多个攻擊。𫣆就像在虎嘴項挷牙齒，美國乜愛還較強硬起來。因為𫣆俚个行動啊所致兜內部軍官既經失去咧熱忱」。 泰勒建議米國採取單邊行動，煽動米軍摎阮慶軍政體之間个冤仇。
詹森召集美軍顧問在聖誕節來德州牧場進行討論。國務卿迪安魯斯克摎國防部長羅伯特 ・ 麥克納馬拉建議詹森總統拒絕泰勒个提議。詹森總統拒絕執行，還講在聖誕期間个戰爭升級行為係無合適个，也會對民眾士氣造成損害。佢同時提著西貢政治个無穩定性，國際社會摎美國民眾都無希望去相信南越民族解放陣線係攻擊事件个幕後主腦，共樣乜愁講會因為爆炸事件準備有指責。毋過這摎南越民族解放陣線已經承認對爆炸事件負責所無符合。在南越民族解放陣線承認對爆炸事件負責以後个第四日詹森政府正對這件事情做出結論。詹森認為這時節開始報復性行動既經為時過暗還過在事情發生三十六點鐘過後正行動會造成毋好名聲个挑釁。美國國務院分泰勒摎大使館發電報，說明「西貢戰局个情況還係像雲重」。 係講詹森政府開展報復性个空襲行為，該恁呢像係干預越南政府个內部政治危機。這兜係米國民眾摎國際上个觀點。詹森對泰勒講：「 逐擺在𠊎接著軍事建議个時節，就當像𠊎需要下命令發動一場大規模个轟炸行為。毋過𠊎從來毋識想過做得倚恃空襲得著這場戰爭个勝利。」盡尾，詹森勉強同意接收僚个意見，就發動大規模對北越个空襲，正使得這一項戰略最尾演變做政策。
一九六五年一月，南越民族解放陣線在南越秘密舉行了第三擺大會還過愛出米國放棄報復行為个結論，就係「美國缺乏打北越个意志摎庇護南越毋受著致命一擊个能力」。 同時，北越不遺餘力个否認識向南越派遣過部隊摎裝備。事實上，雙方都違反了一九五四年制定个日內瓦協議，佢兜都實施過敵對軍事行動，祕密將軍事人員滲透到對方境內。同時，南越政府從一九六四年十一月開始強制執行媒體審查制度，還過以支持共產主義為由關閉咧十間報刊讀物。
襲擊事件擇起了美國政治家對共產主義性質襲擊个不安全性。詹森希望這下个米軍顧問做得加強越南軍隊个實力從而穩定西貢政府，毋過國防部當多官員都認為單淨將米軍戰鬥部隊送到越南正做得維持穩定性。在美國直接參與一九六五年越南戰爭之前，恁樣个情況加劇吔總體民意摎軍方之間个緊張形勢。美國陸軍事學校院个大衛 ・ 塔克（David Tucker）講吔爆炸事件著「常規軍事平衡个影響係無條路个，毋過對敵人个政治鬥爭係十分重要个」。 這座設施分人修復吔還過米國軍事人員一直駐守到一千九百七十五年四月三十號西貢政府橫忒个該日，該央時共產主義者既經打橫了南越政府還過統治了歸隻國家。這下，這座建築已經係照法國殖民地建築風格修整个柏悅酒店，還過在酒店附近仔有一垤爆炸事件个紀念碑。