一八五年塔科馬排華事件

一八五年塔科馬排華事件（英語：一千八百八十五 Chinese expulsion from Tacoma）， 乜講一八五年塔科馬暴亂（Tacoma riot of 一千八百八十五）係一個種族清洗个反華事件，發生在一八八五年十一月初三，在塔科馬當時个唐人街。

數日內唐人个建築物也都燒淨淨，此後塔科馬就再過無唐人街吔啦。

背景

十九世紀中期華人開始移民到美國西部從事於礦工摎鐵路這兜苦力个工作。該時期華工在米國受著相當大个偏見摎排斥，異多白人認為華人个低價勞力會壓低佢兜自家个工資或者搶佢兜个事頭。從一八七三年開始，美國進入一個長期个經濟衰退。米國工人對「中國佬」个偏見乜更加高哦，美國反中情緒也越激烈。

一八七三年底，北太平洋鐵路在塔科馬个終點站完工。當多鐵路華工就在附近个水濱工業尋頭路，塔科馬車頭附近形成唐人街，該央時又有「細廣州」（Little Canton）个稱呼，就係這塔科馬市中心東部海灣岸邊。

一八七七年舊金山反華暴亂之後，加州工人工會在加利福尼亞州成立，這隻工會特別強調反對華人勞工，甚至以「華人定著愛滾！」（_ The Chinese must go ! _）係組織口號。這擺口號傳到米國西部，塔科馬乜用這來激起當地个排華運動。無獨有偶地，另一個工會「勞動騎士團」在華盛頓州利用反華情緒，來促進白人勞工个利益。

一八二年米國國會通過米國排華法案，停止華人移民。一八四年一個新成立吔嗬「工人工會」（Workingmen's Union）支持一位德國移民商人雅各布 ・ 魏斯巴赫（Jacob Weisbach）當選塔科馬市長。

一八八五年二月，加利福尼亞州个尤里卡將市內所有華人逐走。當時塔科馬人口有六 , 九百三十六，其中七百係華人。

逐走

一八八五年二月中旬，塔科馬市長雅各布 ・ 魏斯巴赫（Jacob Weisbach）同一細陣人開會，討論「華人問題」。 該時尤里卡華人逐走事件个消息該下傳到塔科馬，佢等聽著吔這「尤里卡辦法」就決定再開兜仔還較大會議來解決這 " 問題 "。

過吔魏斯巴赫在阿爾法歌劇院（Alpha Opera House）召集吔兩擺市民大會（二月二十一摎六月初三）， 決定禁止請華人還過摎華人逐走城外。

一八八五年九月初二石泉城大屠殺爆發，九月初七歷史克谷也發生華人謀殺事件，這兜新聞過較激動了塔科馬个反華分子。

一八八五年九月二十八日，魏斯巴赫又在西雅圖召開了一個「反華代表會」（Anti-Chinese Congress）， 魏斯巴赫選做主席。這個代表會就決定將華人從歸隻華盛頓州西部逐走。

一八八五年十月初三，塔科馬个阿爾法歌劇院又開吔會議，選出一個十五儕人委員會來執行這逐走。這十五人委員會就通知市內所有華人愛以十一月初一之前離開。在這威脅之下，當多華人就開始徙出塔科馬，但係十一月初一期限過後還有大約兩百華人留在城內。

一八八五年十一月初三，一群大約五百儕人个暴民摎警察侵入塔科馬个唐人街（一共兩個區域）。 這兜人个領導人物包括市長魏斯巴赫摎兩位未來个市長，總共二十七儕。過後這二十七儕人就安到「塔科馬二十七」（ Tacoma 二十七）。 這群暴徒將唐人街全部居民強迫運到火車站，逐走到波特蘭。在這華人分人倚恃自家个火車票。無錢買票个人高不將坐貨車个車廂，抑係跈等鐵路行一百四十英里到波特蘭。當日氣係浩洪斗雨，在火車頭等車个華人有兩儕人遭受著凍死。

幾日仔以內，這兩個唐人街呢嗄遭受著燒忒，故所塔科馬成為這下美國西海岸主要港都之中，唯一無唐人街者。

一八八五年十一月初七，「塔科馬二十七」分人控告陰謀之罪，毋過佢兜一直無分人定罪。這二十七儕人係當地个英雄，還繼續領導地方政治幾下年。

• * *

逐走過後史

這種有計畫个逐華做法就分人喊做「塔科馬辦法」，像該年二月「尤里卡辦法」。 當多城市就用這種模式來繼續逐一個華人。

一八八年十月初一，米國國會通過斯科特法案（Scott Act）， 禁止華人在離開米國過後再一擺入境。

一八八年十月十九，米國國會批准了一道法令，向清朝政府付了超過兩百七十六 , 六百一十九八七五美金个錢，來補償塔科馬逐走華人還有其他反華暴動案件。

協和園

一九九三年十一月，塔科馬市議會通過決三股二千四百一十五號議案，市政府摎塔科馬社區協和促進會共同籌備建塔做得瑪中華協和公園（Tacoma Chinese Reconciliation Park）， 簡稱協和園，在柯夢灣（Commencement Bay）脣項，離十九世紀時期个細廣州無異遠。市政府表示：

> 對於暴力排華事件，表示遺憾過意毋去吔，分佢譴責，並承諾建造協和園，以資紀念。 > >

一九九四年十一月十六，塔科馬摎中華人民共和國福州市締結為友好个城市。

二零零五年，福州市政府設計同捐建吔協和園个主要建築福州亭（Fuzhou Ting）， 安裝在協和園个最高點。