一九五七年二月花蓮地動

一九五七年二月花蓮地動（十月發生另外一擺大地動）發生在臺北時間二十四號四點二十六分二十三秒，震央个位所在花蓮市東南東方七十公里，深度六十公里，規模七. 三，花蓮會感受最大震度係五，其他个新竹、台中、日月潭、新港、大武、台東、宜蘭係四，淡水、基隆、阿里山、高雄、恆春、澎湖係三，另外金門、馬祖共樣有感覺。

地動造成全島一百七十九間房屋仔橫忒，其中中部橫貫公路發生崩山，開路工程當中个工人宿舍分泥石埋橫忒，造成七儕人過身、六重傷摎十六儕人輕傷。