糖鐵二重湳車頭追撞事故
台糖二重湳站列車追撞事故係一九五六年十二月二十七朝晨七 : 二十五分，在臺糖員林線个埔心鄉二重湳（今晡日係重村吔）二重湳車頭肚發生列車追撞事故。事故个時節全車總共有四零儕，其中四儕人死亡，二十九儕人著傷，七儕人都無著傷。係臺灣糖業鐵路歷史上最嚴重个鐵道事故。
事發經過
一九五六年十二月二十七朝晨七 : 二十五分，因為天時毋好有朝晨頭起濛沙煙，還有該日因為溪湖站貨物量較多，原定六 : 三十分開到員林站个貨物列車赴毋掣在表定時間以內完成調車，所以無法度準時駛車仔，改由六 : 五十五分開到員林站个客運列車先來準時駛車，列車頂高都係準備愛去个學生仔坐，行到巫屋站个時節，因為學生仔个作劇會列車廂連結解連造成車廂分離，故所列車倒退掛轉車廂，到二重湳站又有原料空車需要摘下來，故所又耽誤吔還較多時間。再正開出客運列車過後，原旦定在客運列車之前駛車个貨物列車總下準備好勢，因爭貨物緊急愛送到員林站轉運，故所溪湖站長就揣講前一枋列車這下既經有二重湳站吔，目前並無等待區間來開通，就分這貨物列車先行發車。因為天時無好有濛沙煙視線毋好、路線滑溜、加上車頂个學生仔惡作劇導致著列車个誤點過溪湖站站長無確實辦理列車閉塞，發現頭前還係有車仔个時節，已經來經毋掣撞著前車，造成嚴重死傷个事故。
傷亡狀況
相關个條目
- 臺灣鐵道史
- 台灣糖業公司
- 鐵路事故列表
- 溪湖糖廠
- 員林線
- 二重湳車頭