一九五五年中國共產黨全國代表會議

一九五五年中國共產黨全國代表會議，係講一九五五年三月二十一號到三月三十一號，在中國北京召開个中國共產黨全國代表會議。

在中國共產黨歷史上，只有十九五五年、一九八五年召開過兩擺全國性質个代表會議，召開个目的係解決重大个問題。

背景

一九五四年，頭一屆全國人民代表大會通過了第一部《中華人民共和國憲法》，結束了以後《共同綱領》代替憲法過渡狀態。同年，發生中國共產黨內部个權力鬥爭，國家計劃委員會主席高崗、中共中央組織部長饒盪石係這擺鬥爭个失敗者。為了確立黨內指導思想，還過鞏固全黨思想个必要，中共中央政治局決定召開中國共產黨全國代表會議。

內容

一九五五年三月二十一號到三十一號，在北京舉行了中國共產黨全國代表會議。出席這擺代表會議个，有中共中央委員摎候補中央委員六十二儕，全國黨个各級組織所選出个代表兩百五十七儕。中國共產黨中央委員會主席毛澤東出席並主持咧會議。

國民經濟第一個五年計劃草案

國務院副總理陳雲作哩《 關於發展國民經濟第一個五年計劃个報告》，草案規定了第一個五年計劃个基本任務，係第一隻中國經濟發展計劃。三月三十一號，會議通過《關於中華人民共和國發展國民經濟个第一個五年計劃草案个決議》，提交頭一屆全國人大二次會議審議摎通過。

高崗、饒盪石反黨事件

中共中央總書記鄧小平作了《有關高崗、饒盪石反黨聯盟个報告》，三月三十一號，全會通過《 有關高崗、饒盪石反黨聯盟个決議》，提高黨內民主摎思想統一。

成立著中央摎地方監察委員會

三月三十一號，會議通過《有關成立黨个中央摎地方監察委員會个決議》，有影增加黨內監督个各級監察委員會，並選出吔中國共產黨中央監察委員會委員十五儕，候補委員六儕。董必武係書記，劉瀾濤、譚政、王從吾、錢瑛、劉錫五係副書記。