一九六一年南非總統選舉

一九六一年南非總統選舉係次南非共和國成立過後个第一擺總統大選。一九六零年十一月初五全民公決過後成立南非共和國，乜愛通過新憲法。新憲法分議會選舉總統个任務，新設立个總統職位取代了共和國成立前个英國君主作為國家元首之地位。

一九六年四月三十，南非總督查爾斯 ・ 羅伯茨 ・ 斯瓦爾特摎英國女王伊莉莎白二世遞交辭呈，該女王在五月三十一號日共和國成立前一直係南非个國家元首。五月十號，斯瓦爾特在議會聯席會議頂以一百三十九票當選為國家總統，而得著親英个聯合黨支持个國家聯盟候選人亨利 ・ 費根係贏著七十一票。

五月三十一號，南非共和國宣布成立，斯瓦爾特在普利托利亞个 Groote Kerk（南非語，意「大教堂」）舉行个就職儀式上宣誓就任國家總統，續等其他在法院頭前个平臺項，面對集中在教堂廣場上个幾下千儕人發表咧就任總統後个第一擺演講。