一九六零年美國總統選舉

一九六零年美國總統選舉，由民主黨參議員約翰 ・ 甘逛迪以極微弱優勢打敗个時節任米國副總統理察 ・ 尼克森成為總統。

背景同結果

一九六零年，跈等德懷特 ・ 艾森豪兩任總統任期个黏時愛結束咧。艾森豪个副總統理察 ・ 尼克森成為共和黨總統候選人，在電視辯論舉行進前，尼克森佔盡優勢。

民主黨提名麻薩諸塞州个參議員約翰 ・ 甘逛迪。佢係參選个主要政黨个第二位羅馬天主教徒總統候選人（前一位係一九二八年个民主黨人艾爾 ・ 史密斯）。

在競選个電視辯論當中，甘逛迪講在艾森豪摎共和黨統治下，冷戰期間个美國在軍事頂高摎經濟上都落到了蘇聯後背，佢係當選總統，將「分米國再一擺動起來」。 尼克森作出回應講，係講佢係當選，艾森豪帶分這隻國家个「和平摎繁榮」，國家這下係在冷戰當中，甘逛迪擔當總統責任忒後生，缺少个經驗。

最尾甘逛迪在總統選舉中以大約十萬票 ( 百分之零一 ) 个差距贏得選舉。甘逛迪贏得三百空三張選舉人票，選舉人票比一九一六年美國總統選舉以來个任何一次總統選舉都過較接近，甘逛迪在普選當中超出个票數也係美國歷史上盡接近个。尼克森也成為第一位得著半數个州分，毋過輸忒選舉个總統候選人。

有兜歷史學家對一九六零年个選舉係毋係有選舉欺詐騙同舞弊提出爭議，因為甘逛迪贏出來个州肚項，當多州都無超過五隻百分比，有幾下隻州个選票十分接近，尼克森當時絕對做得提出要求重點選票，毋過佢並無恁呢做啊。單淨重點選票過後贏得其中兩個州德克薩斯州摎伊利諾州个選舉人票，嘎尼克森便成為總統了。

這乜係阿拉斯加州摎夏威夷州第一擺參加總統選舉，佢兜該下在前一年个一月初三摎八月二十一得著州个地位。這擺選舉當中，夏威夷州支持民主黨个甘逛迪，還過阿拉斯加州支持共和黨个尼克森，在這後个總統選舉中大部分時間都維持這隻單位，夏威夷州支持民主黨，阿拉斯加州支持共和黨。