一九七五年美國聯盟冠軍賽

一九七五年美國聯盟冠軍賽佢係美國職業野球大聯盟第七屆美國聯盟冠軍賽，這個系列賽係用五戰三勝制。由美聯西區冠軍奧克蘭運動家來對決美聯東區冠軍波士頓紅襪，最尾係紅襪仔三連勝橫掃運動家晉級世界大賽。

概愛

_ 波士頓以三勝一負贏得系列賽 _

十月初四日，波士頓，芬威公園紅襪隊在第一局之下就靠等運動家兩擺有做差無兩分，下後雙方打忒六局，比數都還係維持在二比零。

七局下，紅襪仔倚恃三支安打將運動家先發Ken Holtzman 打退場，接手个 Paul Lindblad 乜無止血，單局讓紅襪打下五分大局。

紅襪先發路易斯・提安特主投九局送出八擺三振單淨失一分，最後拿著完投勝。

十月初五，波士頓，芬威公園這場比賽換運動家透過瑞吉・傑克森个二分砲取得二比零領先。四局上，佢兜再過打出三支安打得到第三分呢。

毋過紅襪仔在四局下還打，卡爾・雅澤姆斯基乜敲出一支二分砲。過後正倚恃 Rico Petrocelli 个滾地球追平比數。

六局下，雅澤姆斯基摎卡爾頓・費斯克連續敲安幫助紅襪超前。Rico Petrocelli 又在七局下敲出全壘打追加分數。終場紅襪仔六比三拿下逆轉勝。

十月初七，奧克蘭，奧克蘭–阿拉米達郡競技場有四局上，運動家因為外野手接飛球發生失誤最尾分紅襪得著一分。五局上，紅襪敲出四支安打加上對方一擺暴投拿下三分。

八局下，運動家在一比五落後个情況下逐轉了兩分，毋過攻勢無延續下去。盡尾運動家三比五輸球，系列賽堵著紅襪掃，紅襪乜順利進入世界大賽準備挑戰貝比魯斯魔咒。