一九二三年世界大賽

一九二三年个世界大賽係由共樣在紐約个兩隊，紐約洋基摎紐約巨人對決，頭過个人用四勝二敗贏吔。這乜係洋基隊史頭一個世界大賽个冠軍。

當年四月，洋基隊新个主場洋基體育場乜在貝比・魯斯所打出个全壘打下宣布正式个啟用，乜為洋基隊這隻球季个表現定著調。在這個系列戰當中，貝比・魯斯打出三支全壘打，還得著八擺保送。巨人隊个焦點就係在 " OldCasey " Stengel 身項，兩場由巨人隊贏个比賽總下係歸功个佢所打出來个全壘打（毋過都毋係再過看著全壘打）。球季結束過後，Stengel 分人交易出去啦，佢後背呢自家講啊：「好得𠊎毋係三場打出三支全壘打，係無 McGraw 大概會同𠊎交易到三 I（伊利諾伊、印第安納、艾奧瓦，Illinois-Indiana-Iowa）聯盟啦！」

這個系列戰，加上前兩年，係大聯盟史唯一一擺連續三年由共樣兩個球隊在世界大賽當中來對決。