拉帕洛條約(一九二二年)
《拉帕洛條約》（德語：Vertrag von Rapallo）係一九二二年四月十六由德國魏瑪政府摎俄羅斯蘇維埃在義大利古里亞省拉帕洛簽署个條約。
《 拉帕洛條約》係在熱那亞會議頂高由俄羅斯蘇維埃外長格奧爾基 ・ 契切林摎德國外長瓦爾特 ・ 拉特瑙所簽署个。兩國打幫恁樣宣布愛放棄在布列斯特 - 立陶夫斯克條約及一戰後向對方提出个領土摎金錢之要求。還過，兩國也同意外交正常化並「友好合作，在經濟上互惠互利」。
七月二十九號，根據一項祕密協議，德國做得送軍士到俄羅斯受訓，其實違反了《凡爾賽條約》。 十一月初五，兩國在柏林簽署附加協議，摎條款延伸到俄羅斯所控制之烏克蘭、白俄羅斯、喬治亞、亞塞拜然、亞美尼亞摎遠東共和國个蘇維埃。
條約結束了德國摎俄羅斯在一戰還過俄羅斯革命之後个外交孤立。因為兩片都在凡爾賽條約中失去可觀个領土摎政治力量，故所兩國个目標係組成「反凡爾賽同盟」，抗衡西方國家啦。基於兩國个地位提高，西方對佢个朋友還有好關係有愁慮。在德國，對於共和政府摎一隻共產國家和解並保持良好關係，有兜保守摎極右人士乜感覺愁慮。波蘭、波羅的海國家摎芬蘭都因為俄羅斯地位提高緊張。佢兜試等在國防摎外交增加合作，毋過因為各自个議會顛倒無成事。
德國摎俄羅斯兩國後來簽署了十九二六年柏林條約重申雙方良好个關係，毋過德國後來摎英國還有法國改善關係過後，德國摎俄羅斯个關係緊來緊平淡。
外部連結
- 協議文本 ( Mount Holyoke College website )
參見
- 利佩茨克戰鬥機飛行員學校
- 喀馬坦克學校
- 湯姆卡毒氣實驗場