一九一八年人民代表法令

《一九一八年人民代表法令》（英語：Representation of the People Act 一千九百一十八）， 也安到爲「第四部改革法令」，係英國在一百九十一八年進一步擴大下議院選民基礎个法案。

背景

根據《一八八四年人民代表法令》，只要係逐年付十磅以上个租金个租戶或者係擁有自家物業个城鎮男性居民，或者係農村里每年支付十二磅以上地租个男性農戶摎土地年產值超過五磅个地主都有權參與下議院个選舉。雖然選舉權个財產限制既經當低了，毋過還係會有一部分人因為財產限制無辦法參與選舉。

跈等第一次世界大戰个結束，千千萬萬个復員軍人發現自家不惜犧牲生命保護了英國憲政制度，到頭來嗄無投票權。故所，政治家也開始考慮愛進一步擴大選舉權。

內容還過影響

在這擺改革當中，徹底取消吔下議院選舉權个財產限制。規定但係凡係年滿二十一周歲个成年男性摎年滿三十周歲个成年女性，都有下議院个選舉權。

經過這擺改革，英國符合選舉條件个選民人數從七百七十萬左右一躍變成兩千一百萬左右。還過在一九一八年舉行了真正意義上个普選。

殘留个問題

因為這擺个改革法案當中對女性選民个年齡限制高過男性，故所分人認為還係無公平。這一狀況一直到一九二八年改革法案正做得改善。

另外，因爭在進前个英國選舉當中，存在著違背當代一儕一票（one person , one vote）準則的情況：有將近百分之七个選民係拿著複數个選票，比論講有複數物業个人有權在厥物業所在選區還有自家所居住選區都進行投票，而一九一八年改革法案並無對這一情況進行改善。這一狀況直到一九四八年改革法案正予以改善。

參見

• 一千八百三十二年改革法令
• 一八六七年改革法令
• 一八八四年人民代表法令