一九一八年世界大賽

一九一八年世界大賽係由代表美聯个波士頓紅襪同代表國聯个芝加哥小熊對壘。最尾紅襪隊以四勝二敗打敗細熊，拿下隊史第五冠，同時也係二十世紀隊史最尾一擺个冠軍。這場个系列賽紅襪單淨有九分，係世界大賽歷史上總得分最少毋過還係拿著冠軍个球隊。

這隻年球季結束，Dutch Leonard、Duffy Lewis 還有 Ernie Shore 交易至洋基。第二年再過送出貝比・魯斯、Carl Mays 等人，紅襪仔乜定定仔無打頭名个實力。

總教練：Ed Barrow（紅襪）、 Fred Mitchell（熊仔）。

裁判：Bill Klem（國聯）、 George Hildebrand（美聯）、 Hank O'Day（國聯）、 Brick Owens（美聯）。

總結

美聯波士頓紅襪（四）- 國聯芝加哥小熊（二）

四局上，Dave Shean 得著保送，續下來喔 George Whiteman 摎 Stuffy McInnis 个一壘安打走轉去全場唯一一分。

貝比・魯斯完投九局只分人打出六支安打無失分，係拿著吔勝投。

Lefty Tyler 在二局下打出二分打點一壘安打助細熊以三比零領先紅襪。紅襪仔在九局靠等二支三壘安打逐轉一分，最尾還係攻勢中斷，系列賽一比一打平手。

因為戰爭个原因，第三戰還係在 Comiskey Park 進行。四局上紅襪凴等 Wally Schang 摎 Everett Scott 个一壘安打轉去二分。

五局下，Charlie Pick 打出二壘安打，Bill Killefer 打出一壘安打送轉 Pick。

兩隊最尾都無得分，最尾紅襪二比一打贏細熊。

兩隊在八號移動到波士頓，九號正進行著比賽。四局下，貝比・魯斯打出二分打點三壘安打分紅襪保持領先。

八局上，熊仔凴等 Charlie Hollocher 个滾地球出局摎 Les Mann 个一壘安打追平比數，嘛同時斷核吔魯斯个世界大賽無失分个紀錄。

八局下，紅襪仔靠等細熊仔做毋得來勝分，系列賽取得聽牌个優勢。

Hippo Vaughn 完投九局無失分，Dode Paskert 也在八局上二分打點二壘安打追加保險分，最尾細熊以三比零打贏紅襪。

紅襪仔靠等細熊外野手做毋得有兩分，第四局上小熊逐轉一分，毋過Carl Mays 跈等穩定下來，完投九局只分人打出三安失一分，盡尾紅襪二比一贏球，拿著一九一八年世界大賽冠軍。