一九八二年格陵蘭公投

一九八二年格陵蘭歐洲各共同體成員地位公投（Greenlandic European Communities membership referendum , 一百九十八二），抑係講一九八二年格陵蘭公投發生在一九八二年二月二十三，以公民投票个方式來決定吔格陵蘭係毋係應當做成員留在歐洲經濟共同體。這个結果係選擇脫離歐洲各共同體个選民眾較多，格陵蘭選擇退出歐洲各共同體。

格陵蘭做為丹麥屬地在一九七三年隨丹麥共下加入歐洲各共同體，毋過在該央時个一九七二年丹麥加入歐洲各共同體公投當中，百分之七十个格陵蘭選票都無愛參加歐洲各共同體。一九七九年格陵蘭自治制度分人建立；一九八一年春，隨等持有歐洲懷疑主義態度个格陵蘭前進黨贏得了一九七九年格陵蘭大選，格陵蘭議會同意在係毋係維持歐洲各共同體成員國地位項舉行公投。公投个結果顯示，大部分个格陵蘭人斯愛離開歐洲各共同體，隨後簽署了《格陵蘭條約》來達成這公投脫離歐洲各共同體个政治目標，毋過條約繼續保留歐洲各共同體个捉魚仔權。到今，格陵蘭還係分人看做歐洲聯盟特別領域个一部分，第二者个關係也係特殊關係。