一九六七年福萊斯特號航空母艦大火

一九六七年福萊斯特號航空母艦大火發生在一九六七年七月二十九，越戰時期。該央時，福萊斯特號航空母艦在北部灣（坐標：十九 ° 九 ′ 五 ″N 一百空七 ° 二十三 ′ 五 ″E）好恬恬仔起火還過猛幾爆炸；造成一百三十七儕人死亡，損失五千空二億美金。

背景

一九六七年七月仔，米國在越戰中失利，米國軍方已經有六千零儕在戰鬥當中身亡。該央時，福萊斯特號航空母艦到北部灣，準備進行一擺大規模个轟炸。

過程

福萊斯特號雖然原本屬於大西洋艦隊，毋過在越戰个時節也識調防派駐在越南外海个東京灣。

一九六七年七月二十五，福萊斯特號第一擺派出艦載機加入轟炸北越个任務。七月二十九號，正當福萊斯特號這下在準備進行升空任務个時節，甲板項突然間發生大爆炸還過黏時發生火災，造成一百三十四儕人過身一百六十一傷，二十一臺飛行機壞忒了航空母艦本身重創个慘重事故。經過調查過後發現事故个原因 F 176四幽靈 II 式戰鬥機上所掛載个祖尼火箭（Zuni rocket）走火，誤打著个火箭打著甲板上一架 A 176四日鷂婆式攻擊機載燒油外掛油箱。傾洩出來个航空燃料著火過後產生當大个爆炸，造成大災情。

福萊斯特號已經在一九九三年退役，海軍方面一九九九年六月表示，做得將「福萊斯特」號捐分博物館或者係用來做其他个佢紀念用途，毋過一直都無收著適合个申請，二零一三年遂決定拆解出售分德克薩斯州个全明星金屬（All Star Metals）回收公司。

相關節目

國家地理頻道電視紀錄片系列《重新轉到危機現場》第二季第三集就係詳細講著分析這擺災難事故。