一九六四年馬來西亞大選

第二屆馬來西亞下議院選舉在一九六四年四月二十五號拜六進行。在下議院總共一百五十九個選區當中，在馬來亞地區个一百空四個選區進行吔投票，以單一選區多數制个方式，一隻選區選舉出來一個議員。州立法議會選舉也在共一日在馬來西亞个十一個州當中（十四個州屬中除了沙巴，砂拉越摎新加坡外）進行。總共選舉出兩百八十二個州議員。

選舉个結果係巫統第一个「聯盟」得著勝利， 一共贏著一百空四隻席位當中个八十九隻。選民投票率係七十八pa24九％。「聯盟」在下議院一家獨大个結果，在客觀上也使得佢在一九六五年做得利用佢个執政優勢將新加坡逐逐出馬來西亞。

這到選舉係一九六三年馬來西亞成立過後舉行个頭一擺大選，也係總部位在新加坡个人民行動黨个歷史上唯一一擺參加馬來亞地區个大選。

過程

席位分布

新加坡，沙巴摎砂撈越三州屬無參與這擺个下議院選舉。憲法當中个過渡性條款允准三隻州个州議會在下一屆大選之前自家指定代表作為下議院議員。在馬來西亞議會當中，這三隻州總共得著五十五隻席位，其中新加坡十五個席位，沙巴十六隻位仔，還過砂撈越二十四个席位。這三隻州席位總計佔下議院一百五十九隻席位當中个三十四％。 這擺舉行目的係一項對三州當有特殊个地位還有自治个權力保證，來防止議會在吂經過三隻州屬代表个同意下，單淨憑馬來亞地區个議員投票就做得直接通過憲法修正案（需要三分之二多數正修憲法）。 毋過新加坡離開馬來西亞過後，沙巴摎砂撈越總下淨伸著二十五吔％个位仔，故所再過乜無法度掌扼關鍵少數來阻擋國會通過法律，嚴重侵犯合併後沙巴摎沙撈越所有个特別權利。

新加坡人民行動黨个參選

新馬合併前，馬來亞地區个「聯盟」識摎新加坡个人民行動黨達成互不干預對方境內選舉个協議（雖然行動黨無參與馬來亞地區選舉，巫統主導个「聯盟」毋好來參與新加坡地區个選舉）。 毋過巫統後來公然違背協議，參加了一九六三年新加坡大選，想愛用扶持盟友个方式來搶取新加坡个執政權，逐走行動黨个勢力。毋過結果巫統還有盟友嗄在選舉當中大敗，毋單淨全無斬蠻得著，無忒所有个原有位仔。而取得大勝个行動黨也決定報復巫統个毀約行為，進軍馬來亞，投入到這擺个大選當中。選前行動黨个造勢集會吸引了大批群眾，在馬來亞地區个九個選區投入選舉，毋過佢最尾淨贏著其中一個位仔，就係蒂凡該（後來个新加坡總統）參選个孟沙選區（這下吉隆坡个士布爹同班底谷選區个一部分）。

有个歷史學家認為，該時節財政部長兼馬華公會主席个陳修信，一直以來通過呼籲華人「避免挑戰馬來人个特別權利」，還有利用馬印對抗个局勢，以求𢯭手馬華公會保持自家所謂「馬來半島華人無好爭議个領袖」个地位，這地位正分人民行動黨湊著个「馬來西亞人个馬來西亞」正面來挑戰。在這個時節，巫統也對行動黨个參選行為，還有挑戰「馬來人到頂高」个原則試著當不滿。故所，這到時選舉後，聯盟內部對於行動黨个敵視達著了一個高峰。