一九六四年美國總統選舉

一九六四年美國總統選舉係美國歷史上最一片倒个總統選舉之一，由林登・詹森成功當選總統。

背景

林登・詹森總統在將近一年前，佢前任約翰・甘逛迪分人暗殺後，已經繼續任米國總統，詹森成功个使自家摎甘逛迪个聲望相聯絡。

詹森還成功摎自家个對手，來自亞利桑納州个共和黨參議員貝利・高華德刻畫成一隻希望廢除起勢自一九三零年代个社會福利（比將講社會保險）个右翼立法者。詹森還宣布高華德可能使美國陷入同蘇聯个核戰爭。故所，詹森這下得著總統，在五十隻州肚項个四十四隻州還過哥倫比亞特區贏了。

一九六四年，詹森在普選當中超過對手个差額達著百分之二十二十二六八，在米國總統選舉歷史上係第五位（第一九二零年米國總統選舉、一九二四年美國總統選舉、一九三六年美國總統選舉、一九七二年美國總統選舉）。詹森在國民普選當中得著百分之六十一牯三四个支持，係一八二零年以來米國總統候選人得著个最高个普選比例。

值得留意个係，這到選舉高華德雖然落敗，毋過佢成功得著當多个南方州分，過去共和黨從來毋識在南方州分勝出，因為不少南方民主黨人不滿民主黨對民權運動个支持，下後漸漸仔支持共和黨，使共和黨在南方漸漸仔取得優勢，為一九六八年大選个勝利打下基礎。==參考資料==