一九七一年孟加拉知識份子屠殺

一九七一年孟加拉知識份子屠殺，係西巴基斯坦軍隊摎佢兜在當地合作者，尤其係極右翼伊斯蘭民兵組織巴德爾个𢯭手下，在孟加拉國解放戰爭期間，系統地處決咧孟加拉族知識分子个戰爭罪行。在歸隻戰爭期間，大批知識分子被殺害。尤其係一九七一年三月二十五摎十二月十四發生个處決人數最多，因為當明顯孟加拉國就愛獨立。

十二月十四在孟加拉國分紀念係知識份子殉難日。

三月二十五號暗晡

在一九七一年三月二十五暗晡，探照燈行動開始个時節 ( 開始鎮壓東巴抗議 )，在達卡大學屠殺了幾下百名个教職員摎學生仔。

屠殺背後个原因

巴基斯坦國成立以來，西巴基斯坦个統治者歧視摎忽略東巴基斯坦公民，還過領著佢兜个公民權利摎政治權利。引起東巴基斯坦公民政治摎文化抗議，這兜抗議恢係知識个份子發起同領導。佢兜通過社會摎文化活動鼓勵還過在孟加拉國種下民族主義思想。因為佢這兜个文化運動，東巴基斯坦（現孟加拉國）个人民漸漸仔意識著佢兜个權利，使得這一運動轉向政治抗議。

十二月十四日本處決

跈等戰爭愛結束吔，巴基斯坦最尾煞猛消滅盡可能多个知識份子，大部分時間計畫在十二月十二到十四之間，來消除新國家个未來領導人。一九七一年十二月一初四，巴德爾民兵摎巴基斯坦軍隊在達卡个屋下捉著兩百零名東巴基斯坦知識份子，包含教授，記者，醫生，藝術家，工程師摎作家。佢兜分人蒙等目珠分人帶到達卡無共樣地方个囹仔屋，佢等後來都分集體處決，為著紀念殉難个知識份子，十二月十四在孟加拉國做為知識分子殉道日。

大家普遍揣，十二月十四號係由拉奧・法曼・阿里少將精心策劃个。孟加拉國解放過後，孟加拉知識份子名單（其中大部分个人十二月十四分人處決）分人發現在佢在總督府留下个日記中。阿里本人正證實這種清單个存在，毋過佢否認種族滅絕。巴基斯坦前官僚阿爾塔夫也證實了這一點。阿爾塔夫講著佢要求阿里對名單當中刪除朋友名姓个事件，阿里在厥面頭前恁呢做吔。

有關相㓾个判決

二零一三年十一月初三，達卡个一個特別个法庭判處 al-Badr 殺揰小隊个兩名前領導人，位在倫敦个穆斯林領袖 Chowdhury Mueen-Uddin 摎 Ashrafuz，因為一九七一年孟加拉國解放戰爭期間犯下个戰爭罪分人判死刑。一九七一年十二月，法院發現佢兜涉嫌綁架摎謀殺了十八名知識份子：九名達卡大學教授，六名記者摎三名醫生 -

二零一四年十一月初二，孟加拉國際刑事法庭判處米爾・卡塞姆・阿里死刑，其中包含殺害知識份子。在仲裁庭證明佢係 Al-Badr 个主要組織者，這个組織在一九七一年十二月十四處決了殺害知識份子个事件。目的係新生國家知識份子。

參考

Khan , Muazzam Hussain ( 二千空十二 ) . " Killing of Intellectuals " . In Islam , Sirajul ; Jamal, Ahmed A . Banglapedia : National Encyclopedia of Bangladesh ( Second ed . ) . Asiatic Societyof Bangladesh .
Hensher , Philip ( 十九 February 二千空十三 ) . " The war Bangladesh can never forget ". The Independent .