一九六八年南斯拉夫學生仔示威

一九六八年南斯拉夫學生仔示威係六八運動个一部分，六八運動影響了異多个國家。每一擺示威大部分都係因為存在个社會或者經濟問題來引起个。

原因

第二次世界大戰結束過後，南斯拉夫个經濟當遽个發展，在二十世紀六零年代之前維持等高增長个經濟，經濟增加逐年在十％左右。一九六零年代初期，南斯拉夫有緊來緊多个產品想愛出售分世界市場，結果呢這兜產品質量低下，還過因為南斯拉夫經濟个效率比較低還較貴無競爭力。跈等工人自治个發展摎官僚主義个發展，南斯拉夫當當處於可能个經濟進一步自由化个轉折點。當時市場改革所導致个影響有係物價摎失業率个急劇上升，因為當多公司因為經營效率較低橫忒。當多人雖然有工作，毋過既經幾下隻月無領著工錢了。做為失業率升高个影響同結果，大量个南斯拉夫工人不得不得國外尋頭路。較多人中意到像德國、 法國、比利時、荷蘭這兜位所尋頭路。毋過這兜並無緩解南斯拉夫緊惡化摎下溜个經濟。

一九六八年在世界上个廣泛个抗議運動，一九六零年代中期，並一直持續到一九七零年代中期。 學生仔摎南斯拉夫政府之間个頭一擺主要衝突發生在一九六六年十二月仔，發生在該央時个貝爾格勒。在該當時个米國，盡多反對越南戰爭个反戰主義者開始示威要求結束越南戰爭，這引起了南斯拉夫民眾个同情。共年秋季，學生會組織了一系列抗議活動，並在貝爾格勒、薩格勒布摎塞拉耶佛舉行示威。學生仔想愛知做麼个南斯拉夫共產主義者聯盟 ( SKJ ) 雖然譴責越南戰爭又摎美國政府合作。一九六年十二月二十三，一群學生仔試等到美國文化中心摎美國大使館示威。南斯拉夫警察阻止佢兜使用武力，貝爾格勒市中心个大學大樓脣項个衝突也升級咧。

結束

在示威運動爆發个第七日，就係新曆六月初九，狄托屈服吔啦，佢半夜在電視項同學生仔講話。隨後，恁多學生仔認識著，並毋係一切都做得就像佢這兜想个恁樣進行，這下个成果摎讓步可能係佢這兜做得得著个最多个來自政府个妥協摎讓步了。隨後，示威運動做得講差毋多結束。示威結束過後各大學校正常上課。還過摎考試截止日期定在一隻禮拜過後，這分學生仔有時間準備考試。