檢視戰間期國際外交關係的原始碼

'''戰間期國際外交關係'''影響了這時代个世界歷史進程，具體影響像係下所講个。

==背景==

==和平摎裁軍==

一九二零年代並無爆發大規模个戰爭，單淨有幾下場細規模戰爭，毋過也都一般在一九二二年之前結束，該這規模戰爭乜無進一步升級威脅。雖然講恁樣毋過乜有兜仔例外情況，比論一九一七年到一九二二年个俄國內戰、一九一九年到一九二一年个波蘇戰爭、一九一九年到一九二二年个希土戰爭，還過一兜內戰，係講愛爾蘭內戰。二十世紀二零年代个人普遍想愛去和平，毋係戰爭。

===國際聯盟===

主要係愛實現和平摎穩定還過解決爭端个主要國際機構係一九一九年成立个國際聯盟。因為米國、德國摎蘇聯還過日本个毋參與抑係一一退出，使得國際聯盟之力量事實上分人削弱了；就係因為恁樣，國聯無法度處理主要國家—特別係日本摎義大利个戰爭行為，還有拒絕接受不利个決定。歷史學家佢兜都認為國聯在處理重大爭端當中係無效个。

一系列个重大國際危機分國際聯盟接近崩潰，最早个一擺係日本入侵滿洲。下後無幾久，一千九百三十四到十九三六年間發生了阿比西尼亞危機，該央時，義大利入侵了當時非洲兩個獨立个非洲國家之一个阿比西尼亞；雖然佢受著國聯之譴責；而義大利个回應係佢退出了國際聯盟。國聯試圖對義大利實施經濟制裁，毋過無效。這一事件呢凸顯了法國摎英國外交上个弱點，其例證係佢兜毋肯疏遠義大利，使佢失去作為對抗希特勒德國个平衡力量。西方大國對佢行動个毋作為最尾將墨索里尼个義大利𢱤向了摎希特勒德國个聯盟。阿比西尼亞戰爭向世界展示了聯盟在解決爭端方面个低效性。佢在處理西班牙內戰个時節無發揮任何个作用。除此之外，聯盟也無法度解決涉及歐洲主要國家个其他較細个衝突，像係西班牙還有摩洛哥分離主義分子之間个里夫戰爭。

===裁軍===

華盛頓會議，又安到華盛頓軍備會議抑係華盛頓裁軍會議，係由米國總統沃倫 ・ 蓋瑪利爾 ・ 哈定召集个一擺軍事會議，在一九二一年十一月十二日至一九二二年二月初六在華盛頓舉行，由國務卿查爾斯 ・ 埃文斯 ・ 休斯擔任主席。會議在國際聯盟个主持下進行，有九隻國家參加：美國、日本、中國、法國、英國、義大利、比利時、荷蘭還有葡萄牙，蘇聯無分人邀請。會議个重點係解決有關太平洋摎東亞利益个誤解或者衝突。主要成就係所有參加會議个人同意个一系列海軍裁軍協議，這兜協議持續了十年。會議个結果係各國簽署了三個主要條約《四國條約》、《 五國條約》（《 華盛頓海軍條約》）、《九國公約》。

英國在佢个後个限制軍備當中起了帶頭作用。一九三零年成功簽訂个嗬《倫敦海軍條約》延續咧一九二二年第一擺規定个大國之間个軍艦限制。一千九百二十二 - 三零年間个條約維護咧二十世紀二零年代个和平，毋過因為世界个局勢對一九三一年起勢緊來緊流傳，恁泥个裁軍協定也無繼續簽署下去。

===洛迦諾之和平精神===

一九二五年歐洲幾隻主要大國（無包括蘇聯）在洛迦諾談判當中達成个七項國際條約大大加強了德國魏瑪政府个合法性，為佢在一九二六年恢復大國个角色摎加入國際聯盟鋪平道路， 魏瑪德國也做得以在國際聯盟理事會當中得著了一個永久个位仔。

《 洛迦諾條約》標誌著一九二四年 - 一九三零年西歐外交政治氣候个大變革。這兜談判摎條約促進了對追求持續和平个期望， 大家都講「洛迦諾精神」。 當德國在一九二六年加入國聯，還有占領德國萊茵蘭地區个協約國軍隊撤離个時節，「 洛迦諾精神」也就在這隻時節得著具體个表現。

啊這種「和平精神」對後來个納粹德國民全部無用處。一九三六年三月初七，納粹德國派軍隊入到萊茵蘭非軍事區，還過愛徹底否定咧洛迦諾个精神。

===非戰公約===

一九二八年所簽个《凱洛格—白里安公約》源在美國摎法國起草个一項提案，這個提案摎條約提出放棄用戰爭做為國家政策个手段摎單淨做得以和平方法解決國際爭端；盡尾，大部分个國家欣然簽署，並利用這一機會促進和平外交政策个目標。唯一个問題係，「 放棄以戰爭作為國家政策个手段」之戰爭定義為何？雙方存在無共樣；法國希望「戰爭」最重要个定義單淨限制在侵略戰爭，美國係堅持認為佢應該包含所有類型个戰爭。歷史學家哈羅德 ・ 約瑟夫森指出，《 公約》因為厥个道德主義摎條文主義還有對外交政策毋罅影響佢受著笑科。佢認為，佢顛倒造成了美國採用過較激進个外交政策。佢个核心條款主要集中在放棄使用戰爭，促進和平解決爭端摎集體安全以防止侵略；後來， 這兜條款分人納入咧《聯合國憲章》有其他條約。就算這下，像係敘利亞這兜國內戰還在該繼續，毋過對一九四五年以來，除忒中東地區个少數例外，已經建立个國家之間个大規模戰爭既經當少。

===日內瓦議定===

毒氣在二十世紀二零年代成為全世界討伐个焦點。使用毒氣並毋會因此贏得戰鬥，將軍也惱佢啦。兵仔對毒氣个恨遠比子彈同爆炸性炮彈大加多。一九一八年該下，化學炮彈佔法國彈藥供應个百分之三十五，佔英國个百分之二十五，佔美國庫存个百分之二十。

一九二五年，《 禁止在戰爭當中使用無法度敨氣、毒性或者其他氣體摎細菌作戰方法个議定書》，簡稱《日內瓦議定書》分大部分國家接受同生產。

==歐洲==

===英國===

一戰過後，英國係一個多災多難个巨人，佢个外背受著影響緊來緊弱。二十世紀二零年代，佢在外交上个主導地位係像頭擺恁呢，佢長透都毋得毋分這位在美國，後者輒常行使其財政優勢獲得外交優勢。英國个外交政策主題就係在一千九百一十九巴黎摎會英國首相勞合 ・ 喬治頂項煞猛摎法國要求對德國復仇个要求；佢最尾拿著部分成功，毋過英國在德國國家問題頂必須愛反覆約束法國。同時，英國也係新成立个國際聯盟个積極會員國之一，毋過佢嗄無停跎个在外交事務上受著當大个失敗。

==拉丁美洲==

美國在戰間期前後對拉丁美洲實行「睦鄰政策」，也就係以經濟摎外交手段施壓令佢接受米國个霸權。對十九世紀九零年代以來，米國就緊摎拉丁美洲看做係自家个勢力範圍。米國從海地撤軍个時節，係米國摎古巴拿馬个條約結束了兩國為米國保護國个地位過後；一九三三年十二月，該時節米國總統羅斯福簽署了《蒙特維多國家權利義務公約》，公約之中美國放棄了對拉丁美洲國家事務進行單方面干預个權利。下後，米國進一步个廢除了普拉特修正案，分古巴毋會受著米國影響，並取消佢在巴拿馬憲法當中个地位。大蕭條對拉丁美洲个經濟產生當大个衝擊，因為大蕭條造成國際市場對原材料需求降低，對拉丁美洲各國个出口打擊極大。智利、秘魯摎玻利維亞受著打擊最大。大蕭條過後，拉丁美洲各國調換經濟政策，轉向進口替代工業化，佢兜目標係建立一個自家種自家路線个經濟；最尾會有一個屬於自家个工業同當大个中產階級，乜使得免受著全球大蕭條波過；這又會影響美國之利益，當羅斯福政府了解，美國做毋得反對拉丁美洲各國个經濟轉向—出口型經濟轉向進口來替代時，故所，當墨西哥總統拉薩羅 ・ 卡德納斯將墨西哥个美國石油公司國有化个時節，羅斯福政府實施睦鄰政策，無武裝介入，墨西哥國有化後，佢兜在前者个基礎頂項創立墨西哥國家石油公司。

===巴西===

巴西係拉丁美洲面積最大个國家，一九三零年个巴西爆發个自由主義革命推翻了長期以來借咖啡生產商之經濟同政治影響力行寡頭統治个頭一共和國，城市中產階級做得進入統治決策圈，盡尾促進吔工業化摎現代化，還過積極促進新工業个發展，使經濟做得在一九三三年扭轉溜下个局面。

二十世紀二零年代到三零年代期間，因為巴西鄰國阿根廷个外交政策試等愛同講葡萄牙語个巴西孤立在周圍講西班牙語个鄰國之中，毋過促進阿根廷在拉丁美洲个政治同經濟影響力个擴大。講到恁呢，毋過巴西人最愁个係，阿根廷借佢強大軍隊个優勢乘機攻擊巴西；巴西為著防禦阿根廷个威脅，所以這下選擇摎米國修好關係，以應對佢个威脅。毋過，在這個時節，阿根廷嗄摎巴西相背行，同心國交好。

在第二次世界大戰期間，巴西係米國个堅定盟友同支持者，佢等還成立巴西遠征軍向歐洲派出遠征軍隊。相對仔講，美國提供了超過一億美金个租借款，以換取用於將美國士兵仔同物資運過大西洋个空軍基地个租金，還過用於反潛行動个海軍基地。這形成鮮明个對比个係，阿根廷始總下差毋多在二戰中保持中立，甚至有兜時節佢立場還想愛摎德國。

===邊境糾紛還過戰爭===在二十世紀初个拉丁美洲，規模仔邊界衝突當輒看著；毋過只有一擺邊境衝突失控，還過最尾一擺表演變成了戰爭，就係在一九三二年 - 一九三五年期間爆發个查科戰爭。兩隻拉美小國，玻利維亞（有二二十萬人口）摎巴拉圭（只有九十萬人口）為著爭取大查科地區个控制權進行了艱苦又殘酷个戰爭；大查科地區係一個當大毋過長期分人忽視个邊境地區，這其又在戰爭爆發以前發現石油，玻利維亞雖然有重油，毋過需要巴拉圭控制个河壩頂高个港口來出口石油。玻利維亞用專制个方法整了一支當大个、裝備精良个軍隊。毋過，佢个兵仔慣勢高海拔地區，在地勢過低、疾病叢生个查科叢林當中變到病痕个。巴拉圭僱傭咧當多移民俄羅斯个軍官，有還較好个計畫摎後勤保障，在軍事上一般來講過較成功。在阿根廷摎其他四個南美國家調解過後促成个和平條約中，巴拉圭得著大約四分之三个爭議領土。失志个玻利維亞个退伍軍人呢組成了一隻政黨，還發動吔一場政變，過後建立軍事獨裁統治吔三年，一直到佢這兜反倒轉來又分人下一場政變所推翻。

==亞洲摎非洲==

===埃及===

一九二一年十二月，面對埃及民族運動个摎暴力活動个開始，在埃及總督艾倫比爵士个建議下，一九二二年二月二十八日，英國分逼承認埃及獨立。毋過，英國繼續抑多多个保留對新生个埃及王國部分事務个控制權。 埃及國王分人逼接受來自英國个「指導」，而英國也保留了對蘇伊士運河區个控制，還過蘇丹摎埃及外交摎國防事務个控制權。一九三六年過身，埃及國王福阿德一世過身，十六歲个埃及王儲法魯克國王任新國王任。做義大利入侵衣索比亞个時節，佢對第二擺義大利 - 阿比西尼亞戰爭感覺著當著驚，簽署了後《英埃條約》，要求英國在一九四九年前從埃及撤出所有軍隊—蘇伊士運河區軍事基地裡背个英國軍隊除外。在第二次世界大戰期間，英國軍隊將埃及做為佢在整個地區所有盟軍行動个主要基地。一九四七年，駐軍埃及个英軍分人逼撤到蘇伊士運河軍事基地；但係戰後个埃及，佢兜个民族主義、反英情緒繼續增加。

==第二次世界大戰來咧==

==參考文獻==

[[分類: 待校正]]