檢視七大戰豬肉王子的原始碼

《'''七大戰豬肉王子'''》係胡戈个第七部電影短片作品，在二零零八年一月二十三在「六間房」首映。短片係前作《七大戰烏衫人》續編。影片長三十分鐘。在二零零七年十一月攝影完成。短片中電影特效比前作品有當大个改善。短片在一隻禮拜之內點超過百萬擺。由於短片大量涉及著實中一兜敏感問題，引起一兜爭議。

==劇情紹介==

一伙由一個號稱「豬肉王子」个人帶領个四人團伙搶劫咧一隻相傳食後做得長生不老个「澳運特供」豬仔，還吂動口，嗄分一個自家講个「James邦德」个人搶走了。豬肉王子決心報仇，三年過後，團伙四儕人從一所武術學校畢業，開始癲狂報復社會。佢兜搶淨淨了國內市場所有个豬肉，還過將下一隻目標定為「國家豬肉儲備中心」。 團圓仔綁架了該國个皇帝（外觀酷似金正日）， 還過對厥身項尋著咧國家豬肉儲備中心个地圖。司令緊急尋著已經戴入神經病院个七。經過一番治療，七再一擺出山，來到儲備中心等候四儕人，嗄分豬肉王子打敗吔。七極度慍悴，在酒吧受著鼓舞后，開始煞猛練功，一哪仔尋人傳功，還買仔一張「最新招式大全」个光碟。無一久以後啊，七自覺功夫大有長進，於是向豬肉王子下了戰書。進過一番上天公地个苦鬥，七抑係戰敗，並分豬肉王子㓾死。會死進前，七將失敗歸罪於購買了盜版光碟。 做豬肉王子沙鼻个時節，裁判嗄宣布豬肉王子分「待定」，之後因為七得著觀眾投票率遠遠超過佢，七毋單淨返生還過得著比賽个優勝。豬肉王子不滿比賽結果，當當愛發飆，一位保安帶秘密武器「 佳能四百 D」入場，制服吔豬肉王子。

==有關事件==

* 片首，鏢局運送个鏢係一頭分人安到「澳運特供豬」个細豬仔，暗指奧運豬事件。一月二十八，胡戈接著廣電總局个通知，上傳最新版本會在傳出來「澳運」兩字抹忒。
* 電影肚七患咧抑鬱症，接受「超級儀器」治療過後變做「亢奮症」，還過「超級儀器」發个聲 CCTV 新聞聯播特有个開場音樂。
* 影片中，七同豬肉王子決鬥个比賽名安做「超級男仔人」，啷洗「超級細妹仔」。 電影當中講著个「待定」「返生」等制度都來源於二零零七年大為流行个選秀節目。
* 保安使用个「佳能四百 D」，在電影當中分人講為著一種做得發出麻麻痹痹射線，讓拍攝者固定三十秒个超級非殺傷性武器。同時，電影當中還出現一位當像周正龍个人手拿等相機仔來講解愛仰仔用翕相機拍華南虎。這段意思係在訄洗二零零七年底个華南虎偽照事件。

==演員==

* 龔格爾做豬肉王子
* 王家赫飾演七
* 網路紅人 Ayawawa 客串

==參考文獻==

[[分類: 待校正]]