檢視一九六六年中華民國總統選舉的原始碼

'''一九六六年中華民國總統選舉'''為中華民國舉行个第四屆總統選舉，選舉方式係國民大會个代表（以下簡單喊做國大代表）有參加投票个時節來接。選舉个地點在臺北市陽明山中山樓，時間係一千九百六十六年三月二十一。同時這任副總統選舉係在第二日个三月二十二來舉行。選舉个結果由該央時个總統蔣中正連任第四屆總統，當時行政院院長嚴家淦則當選副總統。

==背景==

一九六年， 該時節總統蔣中正參加第四任中華民國總統選舉。事實上，厥連四任競選法源係來自一九六零年个修法。該隻修法當中，凍結咧總統連任次數个限制。另外一方面，厥个競選乜係為著厥倈仔、該央時行政院副院長蔣經國備好接班个環境。毋過較分人意外个係，該時節總統蔣中正獨排眾議，選擇了中國國民黨裡背个人分不高个時節行政院院長嚴家淦係副總統共下合作。原因可能係由於蔣中正在一九四八年選舉總統時，對文人副總統个希望一直無法度達成（李宗仁、陳誠都係軍人出身，而且摎蔣中正部分意見相左，非常難騎哦）， 故所在陳誠過身後，選擇文人出身又有財經摎法律背景个時節行政院院長嚴家淦做為副手。這舉動，分有兜國民黨裡背个人士試著不滿。乜因為恁樣形，當時行政院長嚴家淦在副總統選舉當中，險險因為無辦法過半數，來舉行第二輪投票。（淨多三十七票）

==過程==

這頂高个三月二十一朝晨，中華對民國第四任个總統選舉就開始來辦。主席為國大代表團推出來个國大代表王雲五，參選情況係中國國民黨總統候選人蔣中正个同額競選。該選舉中一共有一千四百八十八儕人參加投票。經過投開票以後，該時節總統蔣中正以一千四百空五票个絕對多數獲得連任。另外，佢所搭檔个時節任行政院院長嚴家淦，也在第二日副總統選舉當中（主席為于斌）用超過一半个七百八十二票得著當選。

==得票个情形==

==還有備註==* 一九四七年在中國（包括台灣摎中國大陸）選出个國大代表係三千空四十五儕。一九五四年二月在臺北報到个國大代表人數係一千五百七十八儕，到一九七八年為止，一千兩百八十四個國大代表有八成五以上還係由大陸選出个所謂「萬年國會」。
* 一九五零年立法院修法，將國民大會開會人數從二分之一改做三分之一。
* 一九六零年三月仔舉行个一九六零年中華民國總統選舉過後，國民大會代表摎總統選舉人个法定總人數改採「報到人數」，就毋採計停在中國大陸个國大代表人數。
* 依照中華民國法律，就算同額競選，總統選舉第一輪投票還需要過半數方能當選，係無需要進行第二輪。

==參考資料==

中央選舉委員會，《 中華民國選舉史》，一九八七年，台北，中央選舉委員會印行

==參見==

* 萬年國會
* 台灣選舉
* 國民大會

[[分類: 待校正]]