檢視一九六六年世界大賽的原始碼

'''一千九百六十六'''个'''世界大賽'''係由代表美聯个巴爾个摩金鶯摎代表國聯个洛杉磯道奇在世界大賽當中對決。最後金鶯四連勝橫掃道奇，拿著隊史第一個世界大賽个冠軍。道奇隊在第一場比賽拿著兩分，後背三場比賽嗄一直分人封忒。刷新了單一球隊在世界大賽上个最低總得分。

該年个世界大賽毋單淨代表道奇王朝个沒落，也象徵金鶯王朝个蹶起。

==總結==

'''美聯巴爾个摩金鶯（四）- 國聯洛杉磯道奇（零）'''

==逐場打子==

===第一戰：十月初五===

加利福尼亞州，洛杉磯，道奇體育場金鶯隊在首局下就靠著「羅賓森雙人組」演出背靠背囊个全壘打取得三比零領先。二局上又靠等保送、短打推進摎安打拿下一分。

二局下，吉姆 ・ 拉斐爾回敬一發全壘打，𢯭手道奇逐轉一分。三局下，Dave McNally 在一出局過後連續投出三個保送。金鶯也換上 Moe Drabowsky，而道奇隊無法度把扼大好機會，只有靠著單局第四擺保送拿下著第二分。而令道奇隊萬萬無想著个係，這一分係佢兜在該系列賽得到个盡尾一分。

四局上，金鶯隊再過拿著一分保險分之後。加上 Drabowsky 个完美壓制，金鶯隊拿著第一勝。

===第二戰：十月初六===

加利福尼亞州，洛杉磯，道奇體育場金鶯派出二十歲个後生王牌帕爾默對決賽揚強投柯法斯，兩隊在前四局上演精采个投手戰，都無分對手得分。

五局上，道奇守備自亂陣个腳。單局出現三擺失誤分金鶯攻下三分。最尾道奇隊單場發生六擺个守備失誤，分金鶯隊得著六分種下敗因。

===第三戰：十月初八===

馬里蘭州，巴爾个摩，紀念體育場Claude Osteen 先發七局淨失了一分，唯一失分在五局下分 Paul Blair 敲出陽春砲。毋過這一分對於 Wally Bunker 來講已經罅擺吔，佢投滿九局送出六到三振拿下完封勝。

===第四戰：十月初九===

馬里蘭州，巴爾个摩，紀念體育場唐 ・ 德萊斯戴爾擺脫咧第一場个低潮，主投八局送出五擺三振，單淨在四局下分法蘭克 ・ 羅賓森敲出陽春砲跌分。

毋過道奇隊打線又堵著壓制，Dave McNally 摎前一場个 Bunker 共樣投滿九局。佢單淨分打出四支安打無失分拿下完封勝，金門鶯隊順利拿著隊史第一冠。道奇隊王牌山迪 ・ 柯法斯也在球季結束過後宣布退休。

==參考資料==

==外部連結==

* Almanac 網站上有關一九六六年世界大賽个頁面
* MLB 官網裡肚个一九六六年世界大賽頁面
* Reference 網站上有關一九六六年世界大賽个頁面
* 一九六六年世界大賽逐場比賽結果還有逐球詳細紀錄

[[分類: 待校正]]