檢視一九五六年夏季奧林匹克運動會的原始碼

'''第十六屆夏季奧林匹克運動會'''（英語：the Games of the XVI Olympiad，法語：les Jeux de la XVIe Olympiade，瑞典語：XVI Olympiaden）， 一般喊做'''墨爾本奧運'''，在一九五六年十一月二十二到十二月初八在澳洲墨爾本舉辦，其間這屆奧運會个馬術比賽在瑞典个斯德哥爾摩進行。

==背景==

這係奧運歷史項，第一擺在澳洲舉辦个奧運會，同時也係頭一擺在南半球同大洋洲國家舉辦。因為墨爾本屬於南半球个溫帶地區，在七月到九月該下還係冬季，天時恁寒。故所這擺奧運乜改到南半球个初夏，將就係十一月到十二月期間舉行，也係奧運歷史上最慢開幕个夏季奧運會。

==焦點==

* 在十二月初六舉行个水球項目決定比賽，分別係由匈牙利男子水球隊摎蘇聯男子水球隊相爭冠軍，雙方比賽裡背有幾下個球員打出手，造成血流淰面，該比賽最尾匈牙利隊以四：零完勝蘇聯隊得著金牌，比賽後媒體因為拍了匈牙利水球員埃爾溫 ・ 扎多爾在比賽過後右片个目珠血之場景安名安到「水中血戰」。
* 中華民國這屆以「福爾摩沙—中國」个名義參賽。九月十四號，中國國民黨中央委員會副秘書長鄧傳楷擔任第十六屆夏季奧運會中華民國代表團團長，帶團於十月十八飛到澳洲墨爾本，二十九號到雪梨奧運會新村，奧運會頭一擺在歐美以外个其他洲舉行。
* 第二次世界大戰過後，德國分裂為東德、西德。因為東德奧委會較西德暗申請入會，故所一九五五年个國際奧委會在巴黎召開大會摎東德提出聲明：「 係一九五六年墨爾本奧運當中，東西德做得合組代表隊參加比賽，東德奧委會就做得入會。」
故所，東西德分裂个兩隻國家頭一擺合組係一個代表團來參加比賽，代表團國歌以貝多芬个「第九號交響曲」中个「歡樂頌」代替，國旗以三色旗中央畫上奧林匹克標誌代替。
* 中華人民共和國摎中華民國共樣也產生會籍个問題，一九五二年在挪威奧斯陸所舉行个國際奧委會大會頂高，臺海問題成為討論个焦點；一九五四年在雅典經過國際奧委會个打票表決，認定「北京个中國奧委會（中華全國體育總會）係代表中國唯一个正式奧林匹克運動機構」，毋過國際奧委會主席布倫達治同時聲明：「 除了承認北京个中華全國體育總會，也承認在台北設有國際奧委會分部个中華奧會个資格」。
毋過一九五四年正分國際奧委會認做得正式加入會員个中華人民共和國， 在這屆奧運前做毋得分中華民國使用國旗、國歌、國號參加奧運，毋過墨爾本奧運在選手村還係升起中華民國國旗，恁樣做法激怒北京當局，續下來宣布愛退出該屆奧運，一直到一九八四年正重新轉到奧運。

==比賽項目==

===表演个項目===

* 澳式腳球
* 野球

==參賽國家同地區==

總共有六十七隻國家同地區个代表團參加了一九五六年墨爾本奧運會。其中，衫索比亞，斐濟，肯亞， 賴比瑞亞，馬來亞，北婆羅洲，烏干達都係第一擺參加奧運會。另外，西德摎東德第一擺組成了以德國聯隊冠名个代表團參加了這屆奧運。

[[分類: 待校正]]